ప్రస్తుత రోజుల్లో పెళ్లిళ్లు అంటే ఆడంబరం, సోషల్ మీడియా హంగామాగా మారిపోయాయి. వైరల్ అవ్వడం కోసం వింత వింత పనులు చేస్తున్నారు. కానీ, ఒక వరుడు మాత్రం సంప్రదాయానికి, గౌరవానికి ప్రాధాన్యతనిస్తూ ఒక లిస్ట్ తయారు చేశాడు. అది చదివిన మామగారు భావోద్వేగానికి లోనై కన్నీళ్లు పెట్టుకున్నారు. ఆ లిస్ట్‌లో కట్నం గురించి కాకుండా, పెళ్లి పవిత్రత గురించి ఉంది.
ఆ 10 డిమాండ్లు ఇవే:
సోషల్ మీడియాలో వైరల్ అవుతున్న ఆ వరుడి లిస్ట్‌లోని ప్రధాన అంశాలు:
- ప్రీ-వెడ్డింగ్ షూట్ వద్దు: పెళ్లి అనేది మన కోసం, సోషల్ మీడియా ప్రదర్శన కోసం కాదు.
- లహంగా వద్దు: పెళ్లి కూతురు సంప్రదాయబద్ధంగా చీర మాత్రమే కట్టుకోవాలి.
- సంగీతం: హోరెత్తే డిజేలు, అసభ్యకర పాటలు వద్దు. కేవలం ప్రశాంతమైన వాయిద్య సంగీతం (Instrumental) మాత్రమే ఉండాలి.
- స్టేజ్ మీద ఏకాంతం: వరమాల సమయంలో స్టేజ్ మీద కేవలం వధూవరులు మాత్రమే ఉండాలి.
- గౌరవం: జయమాల సమయంలో వరుడిని లేదా వధువుని ఎవరూ ఎత్తుకోకూడదు.
- పూజా కార్యక్రమం: పండితులు మంత్రాలు చదివేటప్పుడు ఫోటోల కోసమో, మాటల కోసమో ఎవరూ ఆటంకం కలిగించకూడదు.
- ఫోటోగ్రాఫర్లు: రౌతు సంప్రదాయాల సమయంలో ఫోటోగ్రాఫర్లు దూరం నుండే ఫోటోలు తీయాలి, దగ్గరకు వచ్చి ఇబ్బంది పెట్టకూడదు.
- పోజులు వద్దు: వధూవరులు కెమెరా కోసం ఎలాంటి కృత్రిమ పోజులు ఇవ్వరు.
- పగటి పూట వివాహం: పెళ్లి పగలు జరగాలి, అప్పగింతలు సాయంత్రం లోపు ముగియాలి. తద్వారా అతిథులు రాత్రి కాకముందే క్షేమంగా ఇంటికి చేరుకోవచ్చు.
- ముద్దులు వద్దు: కొత్త జంటను ఎవరూ కిస్ చేయమని (Kiss) బలవంతం చేయకూడదు.
అందరి మనసు గెలుచుకున్న వరుడు:
ఈ లిస్ట్ చూసిన నెటిజన్లు వరుడిని ప్రశంసలతో ముంచెత్తుతున్నారు. “ఇది నా పెళ్లి మాత్రమే కాదు, మా ఇద్దరి ఉమ్మడి జీవితానికి పునాది” అని ఆ వరుడు చెప్పడం విశేషం. ఆడంబరాల కంటే పద్ధతులకు ప్రాధాన్యత ఇచ్చిన ఈ వరుడు నేటి యువతకు ఆదర్శంగా నిలిచాడు.