న్యూయార్క్: కొన్ని దశాబ్దాల తర్వాత ‘న్యూయార్క్ నిక్స్’ (New York Knicks) జట్టు ఎన్బీఏ (NBA) ఛాంపియన్షిప్ టైటిల్ను కైవసం చేసుకోవడంతో.. అమెరికాలోని మన్హట్టన్ నగరంలో భారీ ఎత్తున సంబరాల ర్యాలీ నిర్వహించారు.
వేలాది మంది అభిమానులు తరలివచ్చిన ఈ సంబరాల్లో, దురదృష్టవశాత్తూ ఒక అభిమాని అకస్మాత్తుగా స్పృహతప్పి కిందపడిపోయాడు. ఇది చూసిన చుట్టుపక్కల వారు వెంటనే అక్కడికి పరుగెత్తుకెళ్లి అతనికి సహాయం చేశారు. ముఖ్యంగా నీలిరంగు దుస్తులు ధరించిన ఒక మహిళ సదరు వ్యక్తి పక్కనే ఉండి ఎంతో శ్రద్ధగా ఉపశమన చర్యలు చేపట్టింది.
కృతజ్ఞత మరచి కిరాతకం – ముద్దు పెట్టుకోవడానికి ప్రయత్నం:
అయితే, కాసేపటికి స్పృహ వచ్చి కళ్ళు తెరిచిన ఆ అభిమాని.. తనకు పునర్జన్మ ప్రసాదించిన ఆ మహిళకు కృతజ్ఞతలు చెప్పాల్సింది పోయి, ఆమెను బలవంతంగా కౌగిలించుకుని ముద్దు పెట్టుకోవడానికి (కిస్ చేయడానికి) ప్రయత్నించాడు.
దీంతో దిగ్భ్రాంతికి గురైన ఆ మహిళ భయంతో అరుస్తూ వెనక్కి తగ్గినప్పటికీ.. ఆ వ్యక్తి మళ్లీ మళ్లీ ఆమెకు ముద్దు పెట్టడానికి ప్రయత్నించిన అనాగరిక దృశ్యాలు సోషల్ మీడియాలో వెలువడ్డాయి. ఈ వీడియోను చూసిన నెటిజన్లు సదరు వ్యక్తి ప్రవర్తనపై తీవ్ర ఆగ్రహం, కొరడా ఝుళిపిస్తున్నారు.
అదే ర్యాలీలో మరో వింత గందరగోళం:
ఇదే వేడుకల ర్యాలీలో ఒక ఆసక్తికరమైన గందరగోళం కూడా చోటుచేసుకుంది. న్యూయార్క్ పోలీసులు.. నిక్స్ జట్టుకు చెందిన యువ స్టార్ ఆటగాడు ‘టైలర్ కోలెక్’ (Tyler Kolek) ను గుర్తుపట్టలేక, అతను ఎవరో సాధారణ అభిమాని అనుకుని లోపలికి వెళ్లకుండా అడ్డుకున్నారు. ఈ రెండు ఘటనలకు సంబంధించిన వీడియోలు ప్రస్తుతం ఇంటర్నెట్లో విపరీతంగా హల్చల్ చేస్తున్నాయి.