అమెరికన్ వ్యాపారవేత్త జెఫ్రీ ఎప్స్టీన్ లైంగిక వేధింపుల కేసు, అతను జైలులో ఆత్మహత్య చేసుకున్నప్పటికీ నేటికీ ప్రపంచాన్ని వణికిస్తోంది. కోర్టు ఆదేశాల మేరకు తాజాగా విడుదలైన లక్షలాది పేజీల రహస్య పత్రాలు ప్రపంచవ్యాప్తంగా ఉన్న ఎంతోమంది ప్రముఖుల పేర్లను బయటపెట్టాయి.
బయటపడిన ప్రముఖుల పేర్లు: ఈ పత్రాలలో అమెరికా అధ్యక్షుడు డొనాల్డ్ ట్రంప్, వ్యాపారవేత్తలు ఎలోన్ మస్క్, బిల్ గేట్స్ మరియు ప్రముఖ రచయిత్రి మీరా నాయర్ వంటి వారి పేర్లు ఉండటం సంచలనం రేపుతోంది. ముఖ్యంగా, బిల్ గేట్స్ రష్యన్ మహిళలతో సంబంధం కలిగి ఉన్నారని, దానివల్ల ఆయన లైంగిక వ్యాధుల బారిన పడి చికిత్స పొందారని ఈ ఫైళ్లు షాకింగ్ వివరాలను వెల్లడించాయి.
ప్రిన్స్ ఆండ్రూ ఫోటోల కలకలం: అన్నిటికంటే ఎక్కువగా బ్రిటన్ రాజకుటుంబానికి చెందిన ప్రిన్స్ ఆండ్రూకు సంబంధించిన ఫోటోలు ప్రపంచాన్ని విస్మయానికి గురిచేస్తున్నాయి. ఆయన ఒక మహిళతో అసభ్యకర స్థితిలో ఉన్న ఫోటోలు మరియు పలువురు మహిళల ఒడిలో పడుకుని ఉన్న దృశ్యాలు బయటపడటంతో బ్రిటన్ రాజకుటుంబం తీవ్రంగా అవమానపడుతోంది.
ఇప్పటికే ఇటువంటి ఆరోపణల కారణంగా ప్రిన్స్ ఆండ్రూ తన రాజరికా హోదాలను మరియు ‘డ్యూక్ ఆఫ్ యార్క్’ బిరుదులను కోల్పోయారు. ఇప్పుడు నేరుగా ఫోటో ఆధారాలు బయటపడటంతో ఆయన మరింత ఇబ్బందుల్లో పడ్డారు. ఎప్స్టీన్ మరణించినా, ఆయన వదిలివెళ్లిన ఈ రహస్య పత్రాలు ప్రపంచంలోని అత్యంత శక్తివంతమైన వ్యక్తుల ముసుగులను తొలగిస్తున్నాయి.