ఉత్తరప్రదేశ్‌లోని సంభల్ జిల్లా చందౌసిలో వెలుగుచూసిన ఈ హత్య ఉదంతం సినీ క్రైమ్ థ్రిల్లర్‌ను తలపిస్తోంది. తన భార్యే తనను కట్టర్ మెషిన్‌తో ముక్కలు ముక్కలుగా నరుకుతుందని ఆ భర్త కలలో కూడా ఊహించి ఉండడు.
ఘటన వివరాలు: చందౌసికి చెందిన రాహుల్ అనే చెప్పుల వ్యాపారి తన భార్య రూబీ, ఇద్దరు పిల్లలతో కలిసి నివసించేవాడు. అయితే రూబీకి అదే ప్రాంతానికి చెందిన గౌరవ్ అనే వ్యక్తితో వివాహేతర సంబంధం ఉంది.
- నవంబర్ 17 రాత్రి: రాహుల్ ఇంట్లో లేని సమయంలో రూబీ తన ప్రియుడు గౌరవ్‌ను ఇంటికి పిలిపించుకుంది.
- అడ్డంగా దొరికిపోయారు: రాత్రి 2 గంటల సమయంలో రాహుల్ అకస్మాత్తుగా ఇంటికి రావడంతో, రూబీ మరియు గౌరవ్ అభ్యంతరకర స్థితిలో కనిపించారు. గొడవ మొదలవ్వడంతో, గౌరవ్ ప్రేమలో గుడ్డిదైన రూబీ.. ఇనుప రాడ్డుతో రాహుల్ తలపై బలంగా కొట్టింది. అతను అక్కడికక్కడే మరణించాడు.
క్రూరత్వం: హత్య చేసిన తర్వాత శవాన్ని మాయం చేయడానికి గౌరవ్ ఒక కట్టర్ మెషిన్‌ను తీసుకువచ్చాడు. వారిద్దరూ కలిసి రాహుల్ తల, చేతులు, కాళ్లను ముక్కలుగా నరికారు. రూబీ బజారుకు వెళ్లి రెండు నల్లటి బ్యాగులు కొనుక్కొచ్చింది. ఒక బ్యాగులో తల, కాళ్లు నింపి 50 కిలోమీటర్ల దూరంలోని గంగలో పడేశారు. మరో బ్యాగులో ఉన్న మొండాన్ని ఈద్గా సమీపంలోని పొలాల్లో విసిరేశారు.
పోలీసుల దర్యాప్తు: నిందితురాలు రూబీ నవంబర్ 24న ఏమీ తెలియనట్లు పోలీస్ స్టేషన్‌కు వెళ్లి తన భర్త కనిపించడం లేదని ఫిర్యాదు చేసింది. డిసెంబర్ 15న పోలీసులకు ఒక గుర్తుతెలియని మృతదేహం లభించింది. శవం కుళ్లిపోయినప్పటికీ, రాహుల్ చేతిపై ఉన్న ట్యాటూ (పేరు) ఆధారంగా పోలీసులు రూబీని పిలిపించారు. ఆమె ఆ బట్టలు తన భర్తవి కావని బుకాయించింది.
ఫోటో పట్టించిన నిజం: పోలీసులు రూబీ ఫోన్ తనిఖీ చేయగా, ఒక ఫోటోలో రాహుల్ అవే దుస్తులు ధరించి రూబీ పక్కన నిలబడి ఉన్నాడు. దీనితో పోలీసులకు అనుమానం వచ్చి గట్టిగా విచారించడంతో ఆమె నిజం ఒప్పుకుంది. ఎస్పీ కృష్ణ బిష్ణోయ్ ఆధ్వర్యంలో ఈ మిస్టరీ వీడింది. ప్రస్తుతం రూబీ మరియు ఆమె ప్రియుడు గౌరవ్ జైలులో ఉన్నారు.