మధ్యప్రదేశ్‌లోని గ్వాలియర్‌లో కుటుంబ సంబంధాలకే మచ్చ తెచ్చే ఘటన వెలుగులోకి వచ్చింది. తన భర్త అన్నయ్య తనపై లైంగిక దాడికి పాల్పడ్డాడంటూ 23 ఏళ్ల యువతి పోలీసులకు ఫిర్యాదు చేసినట్లు తమిళ కథనం పేర్కొంది.
గ్వాలియర్‌లోని తాటీపూర్ ప్రాంతానికి చెందిన ఈ యువతి గత ఫిబ్రవరిలో ఇంటి మేడపైకి బట్టలు తీసుకురావడానికి వెళ్లిన సమయంలో, ఆమె భర్త అన్నయ్య కమల్‌కుమార్ బలవంతంగా నోరు మూసి పక్కకు లాక్కెళ్లి, బెదిరించి లైంగిక దాడికి పాల్పడ్డాడని ఆరోపించింది.
ఈ ఘటన గురించి బయటకు చెబితే పరువు పోతుందనే భయంతో పాటు, తన ప్రాణాలకు ప్రమాదం కలుగుతుందనే ఆందోళనతో ఆమె చాలాకాలం మౌనంగా ఉన్నట్లు కథనం తెలిపింది. చివరకు జరిగిన విషయాన్ని తన తల్లికి చెబుతూ కన్నీటిపర్యంతం కావడంతో కుటుంబ సభ్యులు పోలీసులను ఆశ్రయించినట్లు పేర్కొంది.
యువతి ఫిర్యాదు మేరకు పోలీసులు కేసు నమోదు చేసి, పరారీలో ఉన్నట్లు చెబుతున్న నిందితుడి కోసం గాలిస్తున్నారని వెల్లడించారు.
Leave a Reply