నేటి యువత (Gen Z) కేవలం ఆకలి తీర్చుకోవడానికే కాదు, సోషల్ మీడియాలో ‘రీల్స్’ చేయడానికి కూడా ఆహారాన్ని ఎంచుకుంటున్నారు. అందుకే చూడటానికి ఆకర్షణీయంగా, రుచిలో విభిన్నంగా ఉండే వంటకాలకు వీరు ప్రాధాన్యత ఇస్తున్నారు. స్విగ్గీ, జొమాటో వంటి ఫుడ్ డెలివరీ యాప్స్ విడుదల చేసిన 2025-26 నివేదికల ప్రకారం జెన్-జీ ఫేవరెట్ లిస్ట్ ఇదీ:
- కొరియన్ రామెన్ & కె-ఫుడ్ (Korean Ramen): కొరియన్ డ్రామాలు (K-Dramas), కె-పాప్ సంగీతం ప్రభావంతో భారత్‌లో కొరియన్ రామెన్ ఆర్డర్లు 50% పెరిగాయి. ముఖ్యంగా స్పైసీ రామెన్, కిమ్చి, కింబాప్ వంటి వంటకాలకు యువత ఫిదా అవుతున్నారు.
- మోమోస్ (Momos): స్ట్రీట్ ఫుడ్ మార్కెట్‌లో సమోసా స్థానాన్ని మోమోస్ ఆక్రమిస్తున్నాయి. సాధారణ స్టీమ్డ్ మోమోస్ కంటే కుర్కురే మోమోస్, తందూరి మోమోస్ వంటి ‘ఫ్యూషన్’ ప్రయోగాలను యువత ఎక్కువగా ఇష్టపడుతున్నారు.
- సుషి (Sushi): ఒకప్పుడు పెద్ద పెద్ద హోటళ్లకే పరిమితమైన జపనీస్ వంటకం ‘సుషి’ ఇప్పుడు మెట్రో నగరాల్లో ట్రెండ్ సెట్టర్. సుషి తింటూ ఆ ఫోటోలను సోషల్ మీడియాలో షేర్ చేయడం ఒక స్టైల్ స్టేట్‌మెంట్‌గా మారింది. ఇది ఆరోగ్యకరమైనది కావడమే దీని ప్రత్యేకత.
- పెరి పెరి ఫ్రెంచ్ ఫ్రైస్ & బర్గర్: సాధారణ ఫ్రెంచ్ ఫ్రైస్ స్థానంలో ఇప్పుడు పెరి పెరి మసాలా దట్టించిన స్పైసీ ఫ్రైస్ వచ్చేశాయి. ఆరోగ్యం కంటే రుచికే 4.7 రెట్లు ఎక్కువ ప్రాధాన్యత ఇస్తున్న ఈ తరం, చీజీ బర్గర్లను అమితంగా ఇష్టపడుతోంది.
- బోబా టీ (Boba Tea): సాధారణ టీ, కాఫీలకు బదులుగా యువత ఇప్పుడు ‘బోబా టీ’ వైపు మళ్లుతున్నారు. టీలో ఉండే టాపికా బాల్స్ (సగ్గుబియ్యం లాంటివి) ఒక విభిన్నమైన అనుభూతిని ఇస్తాయి. గత ఏడాదిలో దీని కోసం సెర్చ్ చేసే వారి సంఖ్య 11 రెట్లు పెరిగింది.