కేరళ స్థానిక ఎన్నికలు ప్రకటించిన నేపథ్యంలో, మూనార్ పంచాయితీలో బీజేపీ తరఫున పోటీ చేస్తున్న అభ్యర్థి పేరు సోనియా గాంధీ కావడం స్థానిక రాజకీయాల్లో దృష్టిని ఆకర్షించింది.
ఈమె తండ్రి, దివంగత దురై రాజ్, కాంగ్రెస్ పార్టీలో సీనియర్ నాయకుడిగా ఉండేవారు. మాజీ కాంగ్రెస్ అధ్యక్షురాలు సోనియా గాంధీపై ఉన్న అభిమానంతో ఆయన తన కూతురికి ఆ పేరు పెట్టారు.
అయితే, వివాహం తర్వాత ఆమె రాజకీయ వైఖరి మారింది. ఆమె భర్త సుభాష్ బీజేపీలో క్రియాశీల కార్యకర్త. భర్త అడుగుజాడల్లో నడుస్తూ, సోనియా గాంధీ ప్రస్తుతం బీజేపీ మద్దతుతో అభ్యర్థిగా పోటీ చేస్తున్నారు.
ఆమె పేరు కాంగ్రెస్ అభ్యర్థి మంజుళా రమేష్‌కు సవాలుగా మారింది. ఎందుకంటే కాంగ్రెస్ ప్రముఖురాలి పేరుతో పోటీ చేయడం ఓటర్లలో గందరగోళాన్ని సృష్టించి, ఓట్లను చీల్చవచ్చని చెబుతున్నారు.
కేరళ స్థానిక ఎన్నికలు డిసెంబర్ 9 మరియు 11 తేదీలలో రెండు దశల్లో జరుగుతాయి.