ఎయిర్ హోస్టెస్గా (విమాన పరిచారిక) తన ప్రయాణాన్ని ప్రారంభించి, ఆ తర్వాత మధ్యప్రదేశ్ పోలీస్ శాఖలో మహిళా కానిస్టేబుల్గా మారిన నేహా పచ్చిసియా అనే మహిళ అసలు స్వరూపం, ఆమె సాగించిన నేరాల చీకటి కోణం తాజాగా వెలుగులోకి వచ్చి తీవ్ర దిగ్భ్రాంతిని కలిగించింది.
చట్టాన్ని, న్యాయాన్ని కాపాడాల్సిన పోలీస్ శాఖలో పనిచేస్తూ.. అధికార దుర్వినియోగానికి పాల్పడుతూ ఆమె చేసిన అరాచకాలు ప్రజలతో పాటు పోలీస్ వర్గాల్లోనూ తీవ్ర కలకలం రేపాయి.
ఒక హత్య కేసుతో సంబంధం ఉన్న వ్యక్తిని చట్టవిరుద్ధంగా బందీగా ఉంచి నిర్బంధించిన నేహా, అతని కుటుంబ సభ్యులను తీవ్రంగా బెదిరించి దాదాపు ₹1 కోటి విలువైన విలువైన స్థలాన్ని కేవలం ₹18 లక్షలకే బలవంతంగా రాయించుకుంది. తన పోలీసు పదవిని, అధికారాన్ని అడ్డం పెట్టుకుని బాధిత కుటుంబాన్ని భయభ్రాంతులకు గురిచేసి, తక్కువ ధరకే ఆస్తిని కాజేసిన ఈ ఘటన తీవ్ర అన్యాయాన్ని బట్టబయలు చేసింది.
శాంతిభద్రతలను పరిరక్షించాల్సిన స్థానంలో ఉన్న వ్యక్తే రౌడీల మాదిరిగా బెదిరింపులకు, అక్రమ వసూళ్లకు పాల్పడటం తీవ్ర ఆగ్రహాన్ని తెప్పించింది. ఈ వ్యవహారంపై సమాచారం అందుకున్న ఉన్నతాధికారులు వెంటనే స్పందించి, విచారణ జరిపి నేహా పచ్చిసియాను అరెస్ట్ చేసి కటకటాల్లోకి నెట్టారు.
నిబంధనలను తుంగలో తొక్కి, అధికార బలంతో అమాయక ప్రజలను భయపెట్టిన ఈ మాజీ మహిళా కానిస్టేబుల్ దుశ్చర్య పోలీస్ శాఖకే తీరని మచ్చ తెచ్చింది. చట్టం ముందు అందరూ సమానులేనని, ఎంతటి అధికారంలో ఉన్నప్పటికీ తప్పు చేస్తే శిక్ష నుంచి తప్పించుకోలేరన్న నిజాన్ని ఈ ఉదంతం మరోసారి నిరూపించింది.
Leave a Reply