తెల్ల చక్కెర కంటే బెల్లం ఆరోగ్యానికి మంచిది. ఇది రోగనిరోధక శక్తిని (Immunity) పెంచుతుంది మరియు జలుబు, దగ్గు నుండి రక్షిస్తుంది. కానీ, టీ విరిగిపోకుండా ఉండాలంటే మీరు చేసే ఒక చిన్న తప్పును సరిదిద్దుకోవాలి.
టీ ఎందుకు విరిగిపోతుంది?
- నీళ్లలో బెల్లం వేసి మరిగించిన తర్వాత, నేరుగా చల్లటి పాలు పోస్తే టీ వెంటనే విరిగిపోతుంది.
- నీళ్లు మరియు పాలు కలిపి మరిగిస్తున్నప్పుడు బెల్లం వేసినా టీ విరిగిపోయే అవకాశం ఉంది.
- పాలు పోసిన తర్వాత అల్లం వేయడం వల్ల కూడా టీ విరుగుతుంది.
టీ విరగకుండా ఉండాలంటే పాటించాల్సిన ట్రిక్:
మరిగే టీ డికాషన్‌లో పాలు పోసే ముందు, పాలను వేరే గిన్నెలో కొంచెం గోరువెచ్చగా వేడి చేయాలి. అలాగే బెల్లాన్ని ఎప్పుడూ చివర్లో మాత్రమే వేయాలి.
బెల్లం టీ చేసే సరైన విధానం:
- ముందుగా ఒక పాత్రలో నీళ్లు తీసుకుని (ఇద్దరికి అయితే రెండున్నర కప్పులు), అందులో టీ పొడి, యాలకులు, దంచిన అల్లం వేసి బాగా మరిగించండి.
- వేరొక పాత్రలో పాలను కొద్దిగా వేడి చేయండి.
- మరుగుతున్న డికాషన్‌లో ఈ వేడి పాలను పోసి, ఒక నిమిషం పాటు మరిగించండి.
- ఇప్పుడు బెల్లాన్ని చిన్న చిన్న ముక్కలుగా కోసి లేదా తురిమి టీలో వేయండి.
- బెల్లం వేసిన ఒక్క నిమిషం తర్వాత స్టవ్ ఆపేయండి. బెల్లం టీలో పూర్తిగా కరిగిపోతుంది మరియు టీ అస్సలు విరగదు.