చాలామంది ఆరోగ్య సమస్యలను గుర్తించడంలో ఆలస్యం చేస్తారు. కానీ, ఆరోగ్యం క్షీణించడం ప్రారంభమైనప్పుడే శరీరం కొన్ని సంకేతాలను ఇస్తుందనేది నిజం. వాటిని గుర్తించలేకపోవడమే ప్రధాన సవాలు.
మన చేతి మరియు కాలి గోళ్ల ద్వారా ఆరోగ్య స్థితిని అర్థం చేసుకోవచ్చు. గోళ్ల ఆరోగ్యానికి, శరీర వ్యాధులకు మధ్య సంబంధం ఉంది. బొటనవేలి గోరు దిగువన అర్ధ చంద్రాకారంలో ఉండే తెల్లటి గుర్తున్నూ ‘లూనులా’ (Lunula) అని పిలుస్తారు. లాటిన్ భాషలో దీనికి ‘చిన్న చంద్రుడు’ అని అర్థం. ఈ లూనులా పరిమాణం మరియు రంగును బట్టి ఒక వ్యక్తి ఆరోగ్య పరిస్థితిపై అంచనాకు రావచ్చు.
ముఖ్య అంశాలు:
- అన్ని గోళ్లపై ఈ అర్ధచంద్రాకారం స్పష్టంగా కనిపించకపోవచ్చు. అయితే, గోళ్లపై ఉన్న ఈ గుర్తు హఠాత్తుగా మాయమైతే, అది రక్తహీనత (Anemia), పోషకాహార లోపం లేదా థైరాయిడ్ సమస్యలకు సంకేతం కావచ్చు.
- ఈ గుర్తు శారీరక మరియు మానసిక ఉత్సాహాన్ని సూచిస్తుంది. జీర్ణక్రియలో లోపాలు తలెత్తినప్పుడు కూడా ఈ గుర్తు మాయం కావచ్చు.
- ఈ అర్ధచంద్రాకారం నీలం రంగులోకి మారితే శరీరంలో ఆక్సిజన్ తక్కువగా ఉందని అర్థం. ఎరుపు రంగులో ఉంటే గుండె సంబంధిత సమస్యలకు సూచన కావచ్చు.
- పోషకాలు ఉన్న ఆహారం తీసుకోవడం ద్వారా ఇటువంటి సమస్యలను నివారించవచ్చు.