ఇంటర్నెట్‌లో వైరల్ అవుతున్న ఒక హృదయ విదారక వీడియోలో, ఒక పసిబిడ్డ తన వద్దకు పాకుకుంటూ వచ్చిన పామును బొమ్మ అనుకుని దానితో ఆడుకోవడానికి ప్రయత్నిస్తుంది. ఆ పసి ప్రాణానికి ఎదురుగా ఉన్నది మృత్యువు అని తెలియక, ఆ పామును ముట్టుకోవడానికి ప్రయత్నించిన ఆ క్షణం చూసేవారి గుండె ఆగిపోయేలా చేస్తుంది.
అయితే, అదే సమయంలో ఆ ఇంట్లో పెంచుకుంటున్న పిల్లి మెరుపు వేగంతో పరిగెత్తుకుంటూ వచ్చి, పామును అడ్డుకుని దానిపై దాడి చేస్తుంది. తన యజమాని బిడ్డకు ముప్పు వాటిల్లకుండా ఆ పిల్లి పామును నోటితో కరిచి పక్కకు లాక్కెళ్లిపోతుంది. తన ప్రాణాలను సైతం లెక్కచేయకుండా పసిబిడ్డను కాపాడిన ఈ పిల్లి ఉదంతం “జంతువుల కృతజ్ఞతకు” ఒక నిలువెత్తు సాక్ష్యంగా నిలిచింది. ఈ వీడియో ప్రస్తుతం సోషల్ మీడియాలో నెటిజన్ల ప్రశంసలు అందుకుంటోంది.