న్యూఢిల్లీ: డిసెంబర్ 26 నుండి రైల్వే ప్రయాణ ఛార్జీల పెంపు అమలులోకి రానుండటంతో రైలు ప్రయాణం మరింత ప్రియం కానుంది. అయితే సబర్బన్ (లోకల్) రైలు ప్రయాణ ఛార్జీలలో ఎలాంటి మార్పు చేయలేదు, కానీ సుదూర ప్రాంతాలకు వెళ్లే ప్రయాణికులపై భారం పడనుంది.
డిసెంబర్ 26, 2025 నుండి అమలులోకి వచ్చేలా భారత రైల్వే కొత్త ధరల విధానాన్ని ప్రకటించింది. దీని ప్రకారం:
- సాధారణ తరగతి (General Category): 215 కిలోమీటర్ల లోపు ప్రయాణాలకు ఛార్జీలలో ఎటువంటి పెరుగుదల ఉండదు. 215 కిలోమీటర్లు దాటిన ప్రయాణాలకు కిలోమీటరుకు 1 పైసా చొప్పున పెరగనుంది.
- మెయిల్/ఎక్స్‌ప్రెస్ (Mail/Express): నాన్-ఏసీ మరియు ఏసీ తరగతులకు కిలోమీటరుకు 2 పైసలు అదనంగా వసూలు చేస్తారు.
ఈ మార్పు వల్ల ప్రభుత్వం అదనంగా 600 కోట్ల రూపాయల ఆదాయాన్ని ఆశిస్తోంది. ఉదాహరణకు, 500 కిలోమీటర్ల మేర నాన్-ఏసీ తరగతిలో ప్రయాణించే వారు సుమారు 10 రూపాయలు అదనంగా చెల్లించాల్సి ఉంటుంది.