“భయంతో విలవిలలాడిన జనం..!” అర్థరాత్రి వేళ పడిన మరణ దెబ్బ. నిద్రలోనే గాల్లో కలసిపోయిన 5 ప్రాణాలు. ముంబైలో జరిగిన గుండెను పిండేసే భయంకర ఘటన.!!

ముంబై ఘాట్‌కోపర్, చిరాగ్ నగర్ ప్రాంతంలో కురిసిన వర్షాల కారణంగా కొండచరియలు విరిగిపడి, ఒక భారీ రాతిబండ దొర్లుకుంటూ వచ్చి కొండ దిగువన ఉన్న మూడు ఇళ్లపై భయంకరంగా పడింది.

అధికాల సమయం కావడంతో గాఢ నిద్రలో ఉన్న ప్రజలు ఊహించని విధంగా ఇళ్ల శిథిలాల కింద చిక్కుకుపోయారు. ఈ ఘోర ప్రమాదంలో చిక్కుకుని ఇప్పటివరకు 5 మంది వరకు ప్రాణాలు కోల్పోయినట్లు చెప్పబడుతుండగా, తీవ్రంగా గాయపడిన వారిని సురక్షితంగా వెలికితీసి ఆసుపత్రిలో అత్యవసర చికిత్స కోసం చేర్పించారు.

సమాచారం అందుకుని సంఘటనా స్థలానికి వేగంగా చేరుకున్న అగ్నిమాపక, విపత్తు సహాయక దళాలు, అత్యాధునిక కెమెరాలను ఉపయోగించి శిథిలాల కింద సజీవంగా చిక్కుకుని ఉండవచ్చని అనుమానిస్తున్న మరో 3 నుండి 4 మంది కోసం గాలింపు చర్యల్లో ముమ్మరంగా నిమగ్నమయ్యాయి. సహాయక చర్యలను నేరుగా పరిశీలించిన మున్సిపల్ మేయర్ రీతూ తావ్డే, మృతుల కుటుంబాలకు రూ. 3 లక్షల చొప్పున పరిహారం అందిస్తామని ప్రకటించారు. డిప్యూటీ పోలీస్ కమిషనర్ గణేష్ షిండే, మున్సిపల్ అధికారులు కలిసి సహాయక చర్యలను వేగవంతం చేస్తున్నారు.