ప్రపంచవ్యాప్తంగా తన పరపతిని చాటుకోవాలని చూస్తున్న పాక్ ఆర్మీ చీఫ్ అసిమ్ మునీర్ మనసులో మాత్రం భారత్ అంటే వణుకు పోవడం లేదు. భారత సైన్యం ఎప్పుడు దాడి చేస్తుందో అన్న భయం పాక్ సైన్యాన్ని నిత్యం వెంటాడుతోంది. ఈ భయంతోనే సరిహద్దులో పాకిస్థాన్ రహస్యంగా కొన్ని వ్యూహాలను అమలు చేస్తోంది.
మునీర్ కొత్త కుతంత్రం: ‘ఆపరేషన్ సిందూర్’లో భారత సైన్యం చేతిలో దెబ్బ తిన్న తర్వాత, మునీర్ LoC వద్ద కాంక్రీట్ గోడకు బదులుగా ఆయుధాల గోడను నిర్మిస్తున్నారు. ముఖ్యంగా భారత డ్రోన్ల దాడి నుండి తప్పించుకోవడానికి పాక్ సైన్యం ఇక్కడ భారీ ఏర్పాట్లు చేస్తోంది.
LoC వద్ద పాక్ మోహరింపు: ఇంటెలిజెన్స్ వర్గాల సమాచారం ప్రకారం.. అసిమ్ మునీర్ సైన్యం లైన్ ఆఫ్ కంట్రోల్ (LoC) వెంబడి డ్రోన్ డిటెక్షన్ మరియు జామింగ్ సిస్టమ్స్‌ను ఏర్పాటు చేసింది.
- 35 యాంటీ డ్రోన్ యూనిట్లు: భారత డ్రోన్లను కూల్చివేయడానికి కనీసం 35 యూనిట్లను మోహరించారు.
- 8 ఆర్మీ బ్రిగేడ్‌లు: LoC సమీపంలో 8 పాకిస్థానీ ఆర్మీ బ్రిగేడ్‌లను సిద్ధంగా ఉంచారు.
- భయం కనిపిస్తోంది: రావల్కోట్, కోట్లీ మరియు భీంబర్ సెక్టార్లలో పాక్ సైనిక కదలికలు స్పష్టంగా కనిపిస్తున్నాయి.
ఆపరేషన్ సిందూర్ 2.0 భయం: గతంలో జరిగిన ఆపరేషన్ సిందూర్ సమయంలో భారత సైన్యం పాకిస్థాన్‌లోని ఉగ్రవాద స్థావరాలను ధ్వంసం చేసి, 100 మందికి పైగా ఉగ్రవాదులను హతమార్చింది. ఇప్పుడు ‘ఆపరేషన్ సిందూర్ 2.0’ జరుగుతుందేమో అన్న భయంతో పాక్ వణికిపోతోంది. ఒకవైపు దేశం ఆర్థికంగా కునారిల్లుతున్నా, ఉగ్రవాదులకు మద్దతు ఇవ్వడం పాక్ మానడం లేదు.