బంగ్లాదేశ్ విద్యార్థి నాయకుడు షరీఫ్ ఉస్మాన్ హాదీ మరణం తర్వాత ఆ దేశంలో మరోసారి హింస చెలరేగింది. బంగ్లాదేశ్‌లోని వివిధ ప్రాంతాల్లో దహనకాండ, లూటీలు, దాడులు జరుగుతున్నాయి. తీవ్రవాద మూకలు మీడియా కార్యాలయాలను, షేక్ హసీనా మద్దతుదారులైన నాయకులను మరియు హిందువుల ఇళ్లను తగులబెడుతున్నాయి. భారతీయ సంస్థలను కూడా లక్ష్యంగా చేసుకుంటున్నారు. చిట్టగాంగ్‌లోని భారత హైకమిషన్‌పై రాళ్లు, సీసాలు విసిరి భారత వ్యతిరేక నినాదాలు చేశారు. ఈ క్రమంలోనే దీపు చంద్ర అనే హిందూ యువకుడిని గుంపుగా చేరి కొట్టి, చెట్టుకు వేలాడదీసి సజీవ దహనం చేశారు. ఉస్మాన్ హాదీ హత్యకు నిరసనగానే ఈ హింస జరుగుతోంది.
ఎవరీ ఉస్మాన్ హాదీ? జులై-ఆగస్టు నెలల్లో పాకిస్థాన్ ప్రోద్బలంతో షేక్ హసీనాకు వ్యతిరేకంగా విద్యార్థి ఉద్యమాన్ని నడిపిన జిహాదీ ఈ ఉస్మాన్ హాదీ. ఇతనే ‘ఇంక్విలాబ్ మంచ్’ అనే సంస్థను స్థాపించి, హసీనా ప్రభుత్వాన్ని కూల్చడంలో మరియు హిందువుల రక్తపాతంలో కీలక పాత్ర పోషించాడు. భారతదేశంలోని కొన్ని ప్రాంతాలను బంగ్లాదేశ్‌లో కలిపి చూపించే ‘గ్రేటర్ బంగ్లాదేశ్’ మ్యాప్‌ను సిద్ధం చేయడంలో ఇతని హస్తం ఉంది. ఇతని హత్యతో రగిలిపోతున్న మహమ్మద్ యూనస్ ప్రభుత్వం మరియు అల్లరి మూకలు.. హంతకులు భారత్‌కు పారిపోయారని ఆరోపిస్తున్నాయి. అయితే ఈ ఆరోపణలను నిరూపించడానికి ఇప్పటివరకు ఎటువంటి ఆధారాలను వారు చూపలేదు.
భారత్ ఖండన – అమెరికా ద్వంద్వ వైఖరి బంగ్లాదేశ్ నాయకులు చేస్తున్న తప్పుడు ఆరోపణలను భారత్ పూర్తిగా తోసిపుచ్చింది. ప్రజాస్వామ్యబద్ధంగా ఎన్నికైన ప్రభుత్వాన్ని కూల్చివేసిన ఉస్మాన్ హాదీ హత్య తర్వాత అమెరికా వ్యవహరిస్తున్న తీరు భారతీయులకు ఆగ్రహం కలిగిస్తోంది. ఒక హిందూ యువకుడిని జిహాదీ మూకలు సజీవ దహనం చేసినప్పుడు డోనాల్డ్ ట్రంప్ గానీ, అమెరికా గానీ ఒక్క ముక్క కూడా మాట్లాడలేదు. కానీ, భారత్ మరియు హసీనా వ్యతిరేకి అయిన హాదీ మరణించగానే అమెరికా కన్నీళ్లు పెడుతోంది.
హాదీ మరణంపై అమెరికా రాయబార కార్యాలయం అతని కుటుంబానికి, మద్దతుదారులకు సంతాపం ప్రకటించింది. అంతేకాకుండా, హాదీ అంత్యక్రియల్లో పాల్గొంటామని కూడా అమెరికా రాయబార కార్యాలయం తెలిపింది. ఒక హిందూ యువకుడి హత్యపై మౌనంగా ఉండి, ఒక జిహాదీ పట్ల సానుభూతి చూపిస్తున్న అమెరికా ద్వంద్వ నీతిని దీని ద్వారా అర్థం చేసుకోవచ్చు.