“భిక్షాటన చేస్తూ బతికే వృద్ధురాలు..! కామ పిశాచిగా మారిన యువకుడు.. 76 ఏళ్ల బామ్మపై దారుణంగా అత్యాచారం చేసి హత్య చేసిన కిరాతకుడు.. అత్యంత భయానకం..!”

గుజరాత్ రాష్ట్రంలోని రాజ్‌కోట్‌లో అదృశ్యమైన 76 ఏళ్ల వృద్ధురాలు శవమై తేలిన ఘటన తీవ్ర దిగ్భ్రాంతిని కలిగించింది.

భిక్షాటన చేస్తూ జీవనం సాగిస్తున్న లీలా సోలంకి అనే వృద్ధురాలు, ఆగస్టు 19న ఎప్పటిలాగే గుడి సమీపంలో ఉన్నట్లు తెలిసింది. ఆమె మనవడు ఉదయం పూట ఆమెను అక్కడ విడిచిపెట్టగా, సాయంత్రం తిరిగి వచ్చేసరికి ఆమె కనిపించలేదు. దీంతో కుటుంబ సభ్యులు పోలీస్ స్టేషన్‌లో ఫిర్యాదు చేసి ఆమె కోసం గాలించడం ప్రారంభించారు.

ఆగస్టు 21న డ్యామ్ సమీప ప్రాంతంలో ఆ వృద్ధురాలి మృతదేహం లభ్యమైంది. ప్రారంభంలో ఈ ఘటనను అనుమానాస్పద మృతి కోణంలో విచారించినట్లు పోలీసులు తెలిపారు. పోస్టుమార్టం సహా ఫోరెన్సిక్ పరీక్షల అనంతరం, ఇందులో నేరపూరిత చర్య జరిగి ఉండవచ్చని పోలీసులకు బలమైన అనుమానం వచ్చింది. దీంతో వృద్ధురాలు చివరిసారిగా ఉన్న ప్రాంతం నుంచి మృతదేహం లభించిన ప్రదేశం వరకు గల మార్గంలోని సీసీటీవీ కెమెరా ఫుటేజీలను పరిశీలించారు.

ఆ దృశ్యాల ఆధారంగా, వృద్ధురాలిని ఆటోలో ఎక్కించుకుని తీసుకెళ్లినట్లు భావిస్తున్న డ్రైవర్ రమేశ్ వైధుకియా అనే వ్యక్తిని పోలీసులు అదుపులోకి తీసుకుని విచారించారు. విచారణలో, ఆగస్టు 19 సాయంత్రం గుడి సమీపం నుంచి ఆ వృద్ధురాలిని ఆటోలో తీసుకెళ్లినట్లు అతను అంగీకరించాడని పోలీసులు తెలిపారు. అనంతరం ఆజీ డ్యామ్ ప్రాంతం వైపు వెళ్లినట్లు దర్యాప్తులో తేలింది. విచారణలో ఆ వృద్ధురాలిపై అత్యాచారానికి పాల్పడినట్లు వెల్లడైంది. ఈ ఘటనపై పోలీసులు కేసు నమోదు చేసి, నేరానికి సంబంధించిన పూర్తి వివరాలపై లోతుగా దర్యాప్తు చేస్తున్నారు.

అరెస్టయిన నిందితుడిపై గతంలోనే పలు తీవ్రమైన నేరారోపణలు ఉన్నట్లు పోలీసులు వెల్లడించారు. గతంలో హత్య, దోపిడీ వంటి కేసుల్లో అతని ప్రమేయం ఉన్నట్లు సమాచారం. ముఖ్యంగా, ఒక బాలికకు సంబంధించిన పాత కేసులో అతను శిక్ష అనుభవించగా, 2026లో గుజరాత్ హైకోర్టు ఆ కేసు నుంచి అతడిని విడుదల చేసినట్లు సమాచారం బయటకు వచ్చింది. ప్రస్తుత ఘటనలో లభించిన సీసీటీవీ దృశ్యాలు, ఫోరెన్సిక్ ఆధారాలు మరియు ఇతర సాక్ష్యాల ఆధారంగా దర్యాప్తు కొనసాగుతోంది.