సీఫుడ్ ఆరోగ్యకరమే.. మటన్, చికెన్, నాటు కోడి కూడా ఆరోగ్యకరమే.. నిజానికి మనం ప్రతిరోజూ “ఆరోగ్యకరమైనవి” అని భావించి తినే చాలా ఆహారాలలో కూడా తెలియని ప్రమాదాలు దాగి ఉన్నాయట. ముఖ్యంగా మాంసాహారంలో మటన్ కంటే కూడా బ్రాయిలర్ కోళ్లు (Broiler Chicken) ఎక్కువ ప్రమాదకరమని నిపుణులు హెచ్చరిస్తున్నారు.
మటన్: పోషకాలు మరియు జాగ్రత్తలు
మటన్ అధిక నాణ్యత కలిగిన ప్రోటీన్లను కలిగి ఉంటుంది, ఇది కండరాల పెరుగుదలకు సహాయపడుతుంది. ఇందులో ఇనుము (Iron) ఎక్కువగా ఉండటం వల్ల రక్తహీనతను నివారిస్తుంది మరియు హిమోగ్లోబిన్ పెంచుతుంది. విటమిన్ B12 నరాల వ్యవస్థకు, జింక్ మరియు సెలీనియం రోగనిరోధక శక్తికి మేలు చేస్తాయి.
అయితే, మటన్ తినేటప్పుడు ఈ విషయాలు గుర్తుంచుకోవాలి:
- కొవ్వు: మటన్‌లో కొవ్వు ఎక్కువగా ఉంటుంది, కాబట్టి గుండె జబ్బులు, అధిక కొలెస్ట్రాల్ మరియు డయాబెటిస్ ఉన్నవారు దీనిని పరిమితంగా తీసుకోవాలి.
- యూరిక్ యాసిడ్: కీళ్ల నొప్పులు (Gout) ఉన్నవారు మటన్ తింటే నొప్పులు పెరిగే అవకాశం ఉంది.
- అనారోగ్య సమయంలో: జ్వరం, పైల్స్, పంటి నొప్పి లేదా జలుబు ఉన్నప్పుడు మటన్ తినకపోవడం మంచిది, ఎందుకంటే ఇది శరీర వేడిని పెంచుతుంది.
- లివర్ సమస్యలు: ఫ్యాటీ లివర్ ఉన్నవారు మటన్ తీసుకోకూడదు, ఎందుకంటే ఇందులోని అధిక ప్రోటీన్ కాలేయంపై ఒత్తిడిని కలిగిస్తుంది. వారానికి 2-3 సార్ల కంటే ఎక్కువగా తింటే టైప్-2 డయాబెటిస్ వచ్చే ప్రమాదం ఉంది.
కోడి మాంసం – ఏ భాగాలు తినకూడదు?
కోళ్లు త్వరగా పెరగడానికి ఇచ్చే హార్మోన్ ఇంజెక్షన్లు, యాంటీబయోటిక్స్ మానవ శరీరంలో హార్మోన్ల మార్పులకు కారణమవుతున్నాయి. ఇది చిన్నపిల్లలు త్వరగా రజస్వల కావడానికి, పురుషుల్లో సంతానలేమికి ఒక కారణమని పరిశోధనలు చెబుతున్నాయి.
- ఈ భాగాలు తినకూడదు : కోడి చర్మం (Skin), మెడ, ప్రేగులు, తల మరియు కాళ్లు తినకపోవడం మంచిది. వీటిలో కొవ్వు మరియు నౌచ్యుత తక్కువగా ఉండే అవకాశం ఉంది.
- ప్రేగులు (Intestines): కోడి ప్రేగులలో జీర్ణ వ్యర్థాలు మరియు వ్యాధి కారక క్రిములు ఎక్కువగా ఉంటాయి. వీటిని సరిగ్గా శుభ్రం చేయకపోతే విరేచనాలు, వాంతులు అవుతాయి. బ్యాక్టీరియాను పూర్తిగా తొలగించడం కష్టం కాబట్టి, ప్రేగులను తినకపోవడమే సురక్షితం.
చేపల్లో ప్రమాదం
చేపలు త్వరగా పాడవకుండా ఉండటానికి ‘ఫార్మలిన్’ అనే రసాయనాన్ని పూస్తున్నారు. ఇది శవాలను కుళ్ళిపోకుండా ఉంచడానికి వాడే కెమికల్. దీనివల్ల కిడ్నీలు, కాలేయం దెబ్బతింటాయి.
- ముఖ్యంగా పఫర్ ఫిష్ (Pufferfish) వంటి కొన్ని రకాల చేపలు అత్యంత విషపూరితమైనవి. వీటిలో ఉండే ‘టెట్రోడోటాక్సిన్’ అనే విషం మనుషుల నరాల వ్యవస్థను స్తంభింపజేస్తుంది. ఇది ప్రాణాంతకం కావచ్చు.
ఇతర ఆహారాలు:
- పాలు: ప్యాకెట్ పాలలో కలిపే ప్రిజర్వేటివ్స్ మరియు ఆవులకు ఇచ్చే ఆక్సిటోసిన్ ఇంజెక్షన్ల వల్ల పిల్లల్లో ఆరోగ్య సమస్యలు వస్తున్నాయి.
- మైదా/పరోటా: మైదాను తెల్లగా చేయడానికి వాడే ‘అలెగ్జాన్’ అనే కెమికల్ ప్యాంక్రియాస్‌ను దెబ్బతీసి షుగర్ వ్యాధికి దారితీస్తుంది. ఇది జీర్ణవ్యవస్థను కూడా పాడు చేస్తుంది.
- ఫాస్ట్ ఫుడ్: అజినోమోటో, అధిక చక్కెర కలిగిన కూల్ డ్రింక్స్ శరీరంలో స్లో పాయిజన్‌లా పనిచేస్తాయి.
నిపుణుల సలహా: ఏ ఆహారాన్ని తీసుకున్నా అది సహజ సిద్ధమైనదా లేదా రసాయనాలు కలిసినదా అని గమనించి తినడమే అసలైన ఆరోగ్యం. నూనెలో మళ్లీ మళ్లీ వేయించిన ఆహారాలకు దూరంగా ఉండాలి.