నేపథ్యం: మాంసాహారులలో చాలామందికి ఉండే పెద్ద సందేహం.. మటన్ తింటే మంచిదా లేక చికెన్ తింటే మంచిదా అని. కొందరు ఈ రెండూ వద్దని చేపలు వంటి సముద్రపు ఆహారాన్ని ఎంచుకుంటారు. అసలు ప్రోటీన్ కోసం ఏది ఉత్తమమో పూర్తి వివరాలు ఇక్కడ చూద్దాం.
మానవ శరీరానికి కండరాల పెరుగుదల, కణాల పునరుద్ధరణ మరియు రోగనిరోధక శక్తిని పెంచడానికి ప్రోటీన్ చాలా అవసరం. మటన్ మరియు చికెన్ రెండూ ప్రోటీన్ అధికంగా ఉండే ఆహారాలే, కానీ ఆరోగ్యపరంగా ఏది మిన్న?
పరిశోధనలు ఏం చెబుతున్నాయి? నేషనల్ లైబ్రరీ ఆఫ్ మెడిసిన్ (National Library of Medicine) అధ్యయనాల ప్రకారం: మటన్‌లో ప్రోటీన్ కంటే కొవ్వు (Fat) ఎక్కువగా ఉంటుంది.
100 గ్రాముల మటన్‌లో:
- కేలరీలు: 230 – 300
- ప్రోటీన్: సుమారు 25 గ్రాములు మటన్ ఎక్కువగా తీసుకోవడం వల్ల శరీర బరువు పెరగడం, రక్తంలో చక్కెర స్థాయిలు పెరగడం, కొలెస్ట్రాల్ మరియు ట్రైగ్లిజరైడ్స్ పెరిగి గుండె జబ్బుల ముప్పు వచ్చే అవకాశం ఉంది. ముఖ్యంగా డయాబెటిస్, రక్తపోటు (BP) ఉన్నవారు మటన్‌ను తరచుగా తినకూడదు.
చికెన్ ఎందుకు ఉత్తమం? వైద్య నిపుణుల ప్రకారం.. 100 గ్రాముల చర్మం లేని కోడి రొమ్ము భాగం (Chicken Breast) లో:
- కేలరీలు: కేవలం 165
- ప్రోటీన్: 31 గ్రాములు ఇందులో కొవ్వు మరియు సంతృప్త కొవ్వు (Saturated Fat) చాలా తక్కువ. ఇది సులభంగా జీర్ణమయ్యే ‘లీన్ ప్రోటీన్’ (Lean Protein). దీనివల్ల బరువు అదుపులో ఉంటుంది, కండరాలు దృఢంగా మారుతాయి మరియు గుండెకు సురక్షితం.
కోడిలో ఏ భాగం మంచిది?
- రొమ్ము భాగం (Breast): అత్యుత్తమమైనది.
- లెగ్ పీస్/థై: ఇందులో కొంచెం ఎక్కువ కేలరీలు ఉంటాయి.
- చర్మం (Skin): చర్మంతో కలిపి తింటే కొవ్వు విపరీతంగా పెరుగుతుంది. కాబట్టి చర్మం తీసేసిన చికెన్ ఆరోగ్యకరం.
ముఖ్య సూచనలు:
- బరువు తగ్గాలనుకునే వారికి: చికెన్ ఉత్తమ ఎంపిక.
- వృద్ధులు/రోగులకు: చికెన్ త్వరగా జీర్ణమవుతుంది.
- ఎంత తినాలి: చికెన్ వారానికి 2 నుండి 4 సార్లు తీసుకోవచ్చు. మటన్ వారానికి ఒకసారి లేదా 15 రోజులకు ఒకసారి తీసుకోవడం మంచిది.