లక్నో: ఉత్తరప్రదేశ్ రాజధాని లక్నోలో హృదయాన్ని కదిలించే ఘటన వెలుగులోకి వచ్చింది. గోమతి నగర్‌లోని విశాల్ ఖండ్ 2 ప్రాంతంలో ఒక యువతిని హత్య చేశారు. యువతి మృతదేహాన్ని ఒక బంగ్లా సరిహద్దు గోడకు ఆనించి ఉంచారు. మృతురాలు 35 ఏళ్ల రేఖా వర్మగా గుర్తించబడింది. యువతి హత్య కేసును దర్యాప్తు చేసిన పోలీసులు ఈ-రిక్షా డ్రైవర్ దేవేంద్ర మరియు అతని సహచరుడు సూరజ్‌పాల్‌ను అరెస్టు చేశారు.
డిసెంబర్ 1న గోమతి నగర్‌లో మహిళ మృతదేహం లభించింది. మృతదేహాన్ని గోడకు ఆనించి ఉంచారు. అందిన సమాచారం ప్రకారం, నవంబర్ 30 రాత్రి రేఖ, దేవేంద్రను కలుసుకుంది. ఒక మద్యం దుకాణం (Liquor Shop) దగ్గర వారిద్దరూ కలిశారు. రేఖ మరియు దేవేంద్ర సింగ్ కలిసి మద్యం కూడా సేవించారు. మద్యం తాగిన తర్వాత దేవేంద్ర, రేఖను సూరజ్‌పాల్ గుడిసెలోకి తీసుకువెళ్లాడు.
అక్కడ దేవేంద్ర మరియు సూరజ్‌పాల్ రేఖతో శారీరక సంబంధం పెట్టుకున్నారు. దీని తరువాత, రేఖ వారిద్దరినీ డబ్బు అడిగింది. నిందితులు డబ్బు ఇవ్వడానికి నిరాకరించడంతో, రేఖ కేకలు వేసింది. దీంతో నిందితులు రేఖను నెట్టేశారు, ఆమె సొమ్మసిల్లి పడిపోయింది. నిందితులు స్పృహ తప్పిన రేఖను ఒక బంగ్లా గోడకు ఆనించి ఉంచి పారిపోయారు. పోస్టుమార్టం నివేదికలో మరణానికి గల కారణం స్పష్టంగా తెలియలేదు.