ఉత్తరప్రదేశ్ రాష్ట్రం, లక్నోలోని గోమతి నగర్లోని పత్రకర్పురమ్ కూడలి వద్ద ఉన్న పెట్రోల్ బంకులో జరిగిన చిన్నపాటి గొడవ పెద్ద రచ్చగా మారింది.
ఒక మహిళ, తన వాహనానికి ముందుగా పెట్రోల్ పోయాలని డిమాండ్ చేస్తూ, క్యూలో నిలబడిన పురుషులతో తీవ్ర వాగ్వాదానికి దిగింది. అంతేకాకుండా, తన చేతిలో చెప్పు తీసుకుని బెదిరిస్తున్న దృశ్యాలు వీడియోగా రికార్డ్ అయి సోషల్ మీడియాలో వైరల్ అవుతున్నాయి.
ఆ మహిళ, “నేను ముందుగా క్యూలోకి వచ్చాను, కాబట్టి ముందుగా నా వాహనానికే పెట్రోల్ నింపాలి” అని వాదించింది. దానికి అభ్యంతరం వ్యక్తం చేసిన ఒక వ్యక్తి, “మీరు ఇంతసేపు ఎక్కడ ఉన్నారు?” అని అడగగా, ఆ మహిళ అతని బైక్ను తోసేసి, అసభ్య పదజాలంతో తిట్టింది.
అంతేకాకుండా, ఆ వ్యక్తితో వచ్చిన మరొకరు పోలీసులను పిలుస్తానని చెప్పగా, ఆమె అతని మొబైల్ ఫోన్ను పట్టుకుని లాగడానికి ప్రయత్నించింది.
ఈ ఘర్షణ జరుగుతున్నప్పుడు, పెట్రోల్ బంకులోని ఉద్యోగులు కానీ, ఇతర కస్టమర్లు కానీ జోక్యం చేసుకోకపోవడం గమనార్హం. ఈ వీడియో ప్రస్తుతం సోషల్ మీడియాలో వేగంగా వ్యాపిస్తోంది, పెద్ద వివాదాన్ని సృష్టించింది. ఈ సంఘటనపై పోలీసులు విచారణ జరపాలని ప్రజలు డిమాండ్ చేశారు.