ముఖం తెలిసినా పట్టుకోని పోలీసులు?.. ఏసీ (AC) కంపార్ట్‌మెంట్‌లో తెగబడ్డ దొంగ.. భయంతో వణికిపోయిన మహిళా ప్రయాణికురాలు.. అధికారుల నిర్లక్ష్యంపై తీవ్ర ఆగ్రహం.!!

జోధ్‌పూర్–హౌరా ఎక్స్‌ప్రెస్ రైలులోని సెకండ్ ఏసీ (2nd AC) కోచ్‌లో ఒంటరిగా ప్రయాణిస్తున్న ఒక మహిళా ప్రయాణికురాలి వద్ద నుంచి రైల్వే ప్యాంట్రీ/వెండర్ ఒకరు ఆమె పర్సుతో పాటు విలువైన వస్తువులను చోరీ చేశారు.

మెలకువ వచ్చి దొంగతనం జరుగుతున్న విషయాన్ని ఆ మహిళ కళ్లారా చూసినప్పటికీ, దొంగిలించిన వ్యక్తితో పాటు మరికొందరు వ్యక్తులు ఉండటంతో.. తనపై ఎక్కడ దాడి చేస్తారోనన్న ప్రాణభయంతో ఆ సమయంలో ఆమె అరవకుండా మౌనంగా ఉండిపోయింది.

ఆ తర్వాత, ఈ చోరీ ఘటనపై రైల్వే రక్షణ దళం (RPF) సిబ్బందితో పాటు రైలు సిబ్బందికి ఆ మహిళ కన్నీరుమున్నీరవుతూ ఫిర్యాదు చేసింది. దొంగిలించిన వెండర్ ఎవరో తనకు బాగా తెలుసని, అతడిని గుర్తిస్తానని ఆమె పదేపదే వేడుకున్నప్పటికీ అధికారులు ఏమాత్రం పట్టించుకోలేదు. ఎలాంటి తక్షణ గాలింపు చర్యలు లేదా ముమ్మర విచారణ చేపట్టకుండా, కేవలం నామమాత్రంగా ఫిర్యాదు రాసుకుని నిర్లక్ష్యంగా వెళ్లిపోవడంతో.. చివరకు ఆ మహిళ పోగొట్టుకున్న విలువైన వస్తువులు రికవరీ కాలేదు.