మన ఇంటి వైద్యంలో పటిక (Alum) కీలక పాత్ర పోషిస్తుంది. ఇది అనేక ఆరోగ్య సమస్యలకు పరిష్కారాన్ని అందిస్తుంది. ప్రాచీన కాలం నుండి పటికను వివిధ రకాల నొప్పులను తగ్గించే ఔషధంగా ఉపయోగిస్తున్నారు. దీని ప్రయోజనాలు ఏంటో ఇప్పుడు తెలుసుకుందాం:
- మౌత్ వాష్: పటిక పళ్లకు ఎంతో మేలు చేస్తుంది. ఇది సహజమైన మౌత్ ఫ్రెషనర్‌గా పనిచేస్తుంది. పటిక కలిపిన నీటితో నోరు పుక్కిలిస్తే పంటి నొప్పి నుండి ఉపశమనం లభిస్తుంది మరియు నోటి దుర్వాసన తగ్గుతుంది.
- గాయాలకు మందు: దెబ్బ తగిలిన చోట రక్తం కారుతుంటే, పటిక నీటితో కడగడం వల్ల రక్తస్రావం ఆగిపోతుంది. ఇందులో ఉండే యాంటీ బ్యాక్టీరియల్ గుణాలు గాయం ఇన్ఫెక్షన్ కాకుండా కాపాడుతాయి.
- దగ్గు నుండి ఉపశమనం: పటిక నీటితో పుక్కిలిస్తే గొంతు నొప్పి తగ్గుతుంది. పటిక పొడిని కొద్దిగా తేనెతో కలిపి తీసుకుంటే దగ్గు నుండి త్వరగా ఉపశమనం లభిస్తుంది.
- చర్మ సౌందర్యం: ముఖానికి పటిక ఒక సహజమైన క్లెన్సర్‌గా పనిచేస్తుంది. పటిక నీటితో ముఖాన్ని మసాజ్ చేయడం వల్ల చర్మంపై ఉండే ముడతలు తగ్గుతాయి.
- తలలో మురికిని తొలగిస్తుంది: షాంపూలు జుట్టును శుభ్రం చేసినా, స్కాల్ప్ (మాడు) మీద పేరుకుపోయిన మొండి మురికిని వదిలించలేవు. పటిక నీటితో జుట్టును కడగడం వల్ల వేర్ల నుండి శుభ్రం అవ్వడమే కాకుండా పేలు కూడా నశిస్తాయి.
- యూరిన్ ఇన్ఫెక్షన్: పటికలో యాంటీ మైక్రోబియల్ గుణాలు ఉంటాయి. మూత్ర సంబంధిత ఇన్ఫెక్షన్ల నుండి ఉపశమనం పొందడానికి జననేంద్రియ భాగాలను పటిక నీటితో శుభ్రం చేసుకోవచ్చు.