తమిళ చిత్ర పరిశ్రమలో ప్రసిద్ధ నటుడు మరియు తమిళగ వెట్రి కళగం (TVK) అధినేత సి. జోసెఫ్ విజయ్ ఈరోజు (ఆదివారం) తమిళనాడు ముఖ్యమంత్రిగా ప్రమాణ స్వీకారం చేశారు. చెన్నైలోని నెహ్రూ స్టేడియంలో ఈ వేడుక అత్యంత వైభవంగా జరిగింది.
ఈ కార్యక్రమంలో రాహుల్ గాంధీ కూడా విజయ్తో కలిసి వేదికపై కనిపించారు. ఇక ముఖ్య అతిథులలో విజయ్ తల్లిదండ్రులతో పాటు నటి త్రిష కృష్ణన్ హాజరయ్యారు. త్రిష రాకపై అందరి దృష్టి నెలకొంది, ఎందుకంటే గత కొంతకాలంగా విజయ్, త్రిషల సంబంధం గురించి సోషల్ మీడియాలో పుకార్లు షికారు చేస్తున్నాయి. అయితే, ఈ వేడుకలో విజయ్ భార్య సంగీతా సోర్ణలింగం మరియు వారి ఇద్దరు పిల్లలు ఎక్కడా కనిపించలేదు. కొన్ని నెలల క్రితమే విజయ్ భార్య విడాకుల కోసం దరఖాస్తు చేసుకున్నట్లు సమాచారం.
తమిళనాడు రాజకీయాల్లో విజయ్ నేతృత్వంలోని టీవీకే పార్టీ చారిత్రాత్మక విజయాన్ని నమోదు చేసింది. డీఎంకే, ఏఐఏడీఎంకే వంటి దిగ్గజ పార్టీలను ఓడించి అధికారాన్ని కైవసం చేసుకోవడం విజయ్ సాధించిన అతిపెద్ద విజయంగా భావిస్తున్నారు. ఈ విజయం తర్వాత విజయ్ కుటుంబ సభ్యులు ఆనందం వ్యక్తం చేసినట్లు వార్తలు వచ్చాయి. త్రిష కూడా ఆయన నివాసానికి వెళ్లి శుభాకాంక్షలు తెలిపారు. కానీ, ఈ వేడుకల్లో ఎక్కడా విజయ్ భార్య, పిల్లలు కనిపించలేదు. ఎన్నికల్లో గెలిచిన తర్వాత కూడా సంగీత కానీ, పిల్లలు కానీ ఎటువంటి స్పందన వ్యక్తం చేయలేదు. ఇప్పుడు ప్రమాణ స్వీకారానికి కూడా వారు రాకపోవడంతో, వారు విజయ్కు దూరమయ్యారనే విషయం స్పష్టమవుతోంది.
మరోవైపు, విజయ్ కుమారుడు జేసన్ సంజయ్ తన తండ్రిని ఇన్స్టాగ్రామ్లో అన్ఫాలో చేసినట్లు ప్రచారం జరుగుతోంది. అయితే జేసన్ సంజయ్ అంతకుముందు విజయ్ను ఫాలో అవుతున్నాడో లేదో అనే విషయంలో స్పష్టత లేదు. 2000లో జన్మించిన జేసన్కు ఇప్పుడు 26 ఏళ్లు. అతను దర్శకత్వ రంగంలో కెరీర్ ప్రారంభించాలనుకుంటున్నాడు, అయితే అతను తన తండ్రి ఇంటి పేరును (surname) వదులుకోవాలని నిర్ణయించుకున్నట్లు తెలుస్తోంది.
టీవీకే విజయం తర్వాత కేవలం త్రిష మాత్రమే కాకుండా దక్షిణ భారత సినీ పరిశ్రమకు చెందిన రష్మిక మందన్న, నయనతార, కమల్ హాసన్, రజనీకాంత్ వంటి ప్రముఖులు విజయ్పై శుభాకాంక్షల వర్షం కురిపించారు. కానీ ఆయన కుమారుడు, కుమార్తె మరియు భార్య సంగీత మాత్రం ఈ వేడుకలకు దూరంగా ఉన్నారు.