సోషల్ మీడియాలో రోజూ ఎన్నో రకాల వింతైన వీడియోలు వస్తుంటాయి. అయితే, తాజాగా రెండు కోతులు ఒకదానికొకటి మేకప్ వేసుకుంటున్న దృశ్యం నెటిజన్ల దృష్టిని విశేషంగా ఆకర్షిస్తోంది.
రోడ్డు పక్కన పడిఉన్న ఒక మేకప్ కిట్ (మేకప్ బాక్స్) చూసిన కోతులు, అందులోని వస్తువులను బయటకు తీసి ఆడుకోవడం మొదలుపెట్టాయి. దీన్ని గమనించిన ఓ వ్యక్తి తన సెల్‌ఫోన్‌లో వీడియో తీశాడు. ఆ దృశ్యాలు ప్రస్తుతం నెట్టింట విపరీతంగా చక్కర్లు కొడుతున్నాయి.
వీడియోలో… ఆ మేకప్ బాక్స్‌లో ఉన్న బ్రష్‌ను తీసుకున్న ఒక కోతి, పక్కనే కూర్చున్న మరో కోతి ముఖానికి పౌడర్ రాస్తున్నట్లుగా ప్రవర్తిస్తుంది. ఆ తర్వాత రెండో కోతి కూడా బ్రష్‌ను చేతిలోకి తీసుకుని మొదటిదానికి అదే విధంగా మేకప్ వేయడానికి ప్రయత్నిస్తున్నట్లు కనిపిస్తుంది. మనుషులు సౌందర్య సాధనాలను ఎలా ఉపయోగిస్తారో, అచ్చం అలాగే కోతులు కూడా చేయడం చూడటానికి ఎంతో వింతగా, తమాషాగా ఉండటంతో ఈ వీడియో విశేష ఆదరణ పొందుతోంది.
ఈ దృశ్యాలను చూసిన నెటిజన్లు… “కోతులు బ్యూటీ పార్లర్ ఏమైనా తెరిచాయా?” అని, “ఒకదానికొకటి ముస్తాబు చేసుకోవడం ఎంత ముద్దుగా ఉందో!” అంటూ సరదాగా కామెంట్లు పెడుతున్నారు. కొందరైతే వీటిని స్నేహానికి చక్కని నిదర్శనమంటూ ఆస్వాదిస్తున్నారు. మూగజీవాల సాధారణ అల్లరి చేష్టలకు భిన్నంగా, మనుషుల అలవాట్లను అనుకరిస్తున్నట్లున్న ఈ వీడియో సామాజిక మాధ్యమాలలో హాట్ టాపిక్‌గా మారింది. కొద్ది క్షణాలే ఉన్న ఈ వీడియో నెటిజన్లకు బోలెడంత నవ్వును, ఉల్లాసాన్ని పంచుతోంది.
Leave a Reply