తమిళనాడు: తిరుచ్చి జిల్లాలో జరిగిన ఒక దారుణమైన సంఘటన స్థానికులను తీవ్ర దిగ్భ్రాంతికి గురిచేసింది. గాంధీ మార్కెట్ ప్రాంతంలో 16 ఏళ్ల బాలిక తన తల్లిదండ్రులతో కలిసి నివసిస్తోంది. ఈ బాలికకు ఇద్దరు సోదరులు ఉన్నారు, అందులో ఒకరు ట్రాన్స్జెండర్ (తిరునంగై).
ఏం జరిగింది? బాలిక తన సోదరుడిని చూడటానికి ‘కల్ మందై కాలనీ’లోని అతని నివాసానికి వెళ్లింది. అక్కడ పాక్యా అనే ట్రాన్స్జెండర్ కూడా ఉంటుంది. అక్కడ కారు డ్రైవర్గా పనిచేస్తున్న మారిసెల్వన్ (43) అనే వ్యక్తి, బాలికను చూసి మాటలు కలిపాడు. సాయంత్రం 5 గంటల సమయంలో, బాలికను కారులో ఎక్కించుకుని తీసుకువెళ్లాడు.
అపస్మారక స్థితిలో బాలిక: సుమారు గంటన్నర తర్వాత, సాయంత్రం 6:30 గంటల సమయంలో కీరైక్కడై బజార్ సమీపంలో బాలిక మద్యం మత్తులో, స్పృహ లేకుండా పడి ఉండటం స్థానికులు గమనించి పోలీసులకు సమాచారం అందించారు. ఘటనా స్థలానికి పోలీసులు మరియు బాలిక బంధువులు చేరుకున్నారు.
నిందితుడికి దేహశుద్ధి: ఆసుపత్రిలో బాలికకు చికిత్స అందిస్తుండగా, పోలీసులు సమీపంలోని సిసిటివి కెమెరాలను పరిశీలించారు. అందులో మారిసెల్వన్ ఆ బాలికను కారులో తీసుకెళ్లడం స్పష్టంగా కనిపించింది. ఇది తెలిసిన బాలిక సోదరుడు, తన స్నేహితులతో కలిసి నిందితుడు మారిసెల్వన్ను పట్టుకుని విచక్షణారహితంగా దాడి చేశారు. అతని తల, కాళ్లు, ముఖంపై తీవ్ర గాయాలయ్యాయి. విషయం తెలుసుకున్న స్థానికులు కూడా నిందితుడిపై దాడి చేశారు. పరిస్థితిని గమనించిన గాంధీ మార్కెట్ పోలీసులు, నిందితుడిని రక్షించి చికిత్స నిమిత్తం ఆసుపత్రికి తరలించారు.
పోక్సో కేసు నమోదు: మారిసెల్వన్ ఆ బాలికకు బలవంతంగా మద్యం తాగించి, కారులోనే అఘాయిత్యానికి పాల్పడినట్లు విచారణలో తేలింది. ఈ మేరకు పోలీసులు నిందితుడిపై పోక్సో (POCSO) చట్టం కింద కేసు నమోదు చేసి, అతడిని అరెస్టు చేసి జైలుకు తరలించారు. నిందితుడికి ట్రాన్స్జెండర్లతో సంబంధాలు ఉన్నాయని పోలీసులు ధృవీకరించారు.