సాధారణంగా సోషల్ మీడియాలో ఒకరిని ఒకరు ఆటపట్టించడం లేదా భయపెట్టడం వంటి ‘ప్రాంక్’ (Prank) వీడియోలు మనం చూస్తుంటాం. కానీ ఇక్కడ ఒక వ్యక్తి ఏకంగా నీటిలో రారాజుగా వెలిగే మొసలిపైనే తన ప్రతాపం చూపించాడు.
వీడియోలో ఏముంది? వైరల్ అవుతున్న ఈ వీడియోలో, ఒడ్డున ఒక జింక మేత మేస్తున్నట్లు కనిపిస్తుంది. దానిని చూసిన ఒక మొసలి, అది నిజమైన జంతువే అని నమ్మి వేటాడటం కోసం నెమ్మదిగా నీటిలో నుండి ఒడ్డుకు వస్తుంది. జింక దగ్గరకు రాగానే మెరుపు వేగంతో దానిపై పడి గట్టిగా నోటితో పట్టుకుంటుంది.
కానీ, కొరికిన తర్వాత గానీ ఆ మొసలికి అసలు విషయం అర్థం కాలేదు. అది నిజమైన జింక కాదు, కేవలం జింకలా కనిపించే ఒక బొమ్మ లేదా అట్ట (Prop). తన నోటికి చిక్కింది కేవలం కాగితం, ప్లాస్టిక్ అని తెలుసుకున్న ఆ మొసలి, ఏం జరిగిందో అర్థం కాక తెల్లముఖం వేసి నిలబడటం చూస్తుంటే వీక్షకులకు నవ్వు తెప్పిస్తోంది.