రూ. 5కి బదులు 500 రూపాయలు ఇస్తా! “పాకిస్థాన్ జిందాబాద్ అని చెప్పు”.. దుకాణదారుడిని రెచ్చగొట్టిన యూట్యూబర్.. “నువ్వు కోటి రూపాయలు ఇచ్చినా నా దేశానికి ద్రోహం చేయను” అంటూ ఆవేశంగా దిమ్మతిరిగే సమాధానం..!!

దేశభక్తి అనేది డబ్బుతోనో, సంపదతోనో కొలిచేది కాదని.. అది మనిషి రక్తంలోనూ, ఆత్మగౌరవంలోనూ కలిసి ఉండాలని నిరూపించే ఓ ఘటన ప్రస్తుతం సోషల్ మీడియాలో వైరల్ అవుతోంది.

హర్యానాలో రోడ్డు పక్కన చిన్న దుకాణం నడుపుకుంటున్న ఓ సాధారణ యువకుడి వద్దకు వెళ్లిన ఓ యూట్యూబర్.. రూ. 5 వస్తువుకు రూ. 500 ఇస్తానని, దానికి బదులుగా “పాకిస్థాన్ జిందాబాద్” అని చెప్పాలని ఆశ పెట్టాడు.

దానికి ఆ యువకుడు “ఒక కోటి రూపాయలు ఇచ్చినా సరే నా దేశానికి ద్రోహం చేయను” అంటూ గట్టిగా బదులిచ్చాడు. ఆ యువకుడి ఆత్మగౌరవాన్ని చాటిచెప్పే ఈ సమాధానం లక్షలాది మంది నెటిజన్ల హృదయాలను గెలుచుకుంది.

ఢిల్లీకి చెందిన ప్రముఖ యూట్యూబర్ జైదేవ్ (జీసస్) సరోహా హర్యానాలోని ఓ చిన్న దుకాణానికి వెళ్లి ఈ సామాజిక పరీక్ష (సోஷల్ ఎక్స్‌పెరిమెంట్) నిర్వహించాడు. రూ. 5 విలువైన వస్తువు కొని, “రూ. 500 ఇస్తాను, పాకిస్థాన్ జిందాబాద్ అని చెప్పు” అని అడిగాడు. ఇది వినగానే ఆగ్రహానికి గురైన ఆ దుకాణదారుడు.. తన దేశానికి ఎప్పటికీ ద్రోహం చేయలేనని ఖరాఖండిగా తేల్చిచెప్పాడు.

ఆ యూట్యూబర్ మళ్లీ డబ్బు ఆశ చూపించి రెచ్చగొట్టే ప్రయత్నం చేయగా.. “నువ్వు లక్ష రూపాయలు ఇచ్చినా సరే, కోటి రూపాయలు ఇచ్చినా సరే నేను అలా చెప్పను” అని ఆ యువకుడు సమాధానమిచ్చాడు. ఆ యువకుడి దేశభక్తిని చూసి ఆశ్చర్యపోయిన యూట్యూబర్, అతడిని మనస్ఫూర్తిగా అభందించి అక్కడి నుంచి వెళ్లిపోయాడు. ఈ వీడియో ప్రస్తుతం ఇంటర్నెట్‌లో దావానలంలా వ్యాపిస్తోంది.