థాయ్లాండ్ వెళ్లాలనేది చాలామంది భారతీయుల విదేశీ టూర్ కల.
కానీ… విమాన టికెట్లు, హోటల్ ఖర్చు, భోజనం, స్థానిక ప్రయాణాలు… ఇలా అన్నీ కలిపితే ఖర్చు చాలా ఎక్కువ అవుతుందని చాలామంది అనుకుంటారు.
అయితే… కేవలం రూ.60 వేలలోనే థాయ్లాండ్ ట్రిప్ పూర్తి చేసినట్లు కంటెంట్ క్రియేటర్ నిఖితా బాలి సోషల్ మీడియాలో వెల్లడించారు.
ఆమె తెలిపిన వివరాల ప్రకారం…
ఢిల్లీ నుంచి బ్యాంకాక్‌కు వెళ్లి రావడానికి విమాన టికెట్లకు సుమారు రూ.25 వేలు ఖర్చయ్యాయి.
వసతి కోసం ముందుగానే Airbnb బుక్ చేసుకున్నట్లు ఆమె తెలిపారు. అక్కడ ఒక రాత్రికి సుమారు రూ.2 వేల నుంచి గదులు లభించాయని చెప్పారు.
కొన్ని ప్రాంతాల్లో అయితే… రూ.300 నుంచి రూ.400 వరకు తక్కువ ధరలో హాస్టల్ వసతి కూడా ఎంచుకున్నట్లు తెలిపారు.
ఖర్చు తగ్గించుకోవడానికి… వంట చేసుకునే సదుపాయం ఉన్న వసతినే ఎంచుకున్నట్లు ఆమె చెప్పారు.
దీంతో బయట ఖరీదైన రెస్టారెంట్లలో ప్రతిరోజూ తినకుండా… అవసరమైన కొన్ని ఆహార పదార్థాలను స్వయంగా తయారు చేసుకుని ఖర్చును తగ్గించుకున్నారట.
అలాగే… థాయ్‌లాండ్‌లో స్థానికంగా లభించే ప్యాడ్ థాయ్, కావో సోయ్, టామ్ యమ్ వంటి ఆహారాలను ఎంచుకున్నట్లు తెలిపారు.
వెజిటేరియన్ ఫుడ్ తినేవారికి 7-Eleven వంటి స్టోర్లు కూడా ఉపయోగకరంగా ఉంటాయని ఆమె పేర్కొన్నారు.
అయితే… ఇక్కడ ఒక విషయం గుర్తుంచుకోవాలి.
రూ.60 వేలు అనేది ఆమె వ్యక్తిగత ప్రయాణ అనుభవంలో అయిన ఖర్చు మాత్రమే.
ప్రతి ఒక్కరికీ ఇదే ఖర్చు అవుతుందని చెప్పలేం.
ఎందుకంటే… విమాన టికెట్ ధరలు, ప్రయాణించే తేదీలు, ఎన్ని రోజులు ఉంటారు, వసతి, స్థానిక ప్రయాణాలు, షాపింగ్, వ్యక్తిగత ఖర్చులు వంటి వాటిపై మొత్తం బడ్జెట్ ఆధారపడి ఉంటుంది.
కాబట్టి… తక్కువ బడ్జెట్‌లో థాయ్లాండ్ వెళ్లాలనుకుంటే ముందుగానే ఫ్లైట్, వసతి, ఫుడ్, లోకల్ ట్రాన్స్‌పోర్ట్ ఖర్చులను ప్లాన్ చేసుకోవడం చాలా ముఖ్యం.
అలా ప్లాన్ చేసుకుంటే… ఖర్చును గణనీయంగా తగ్గించుకునే అవకాశం ఉంటుంది.
Leave a Reply