ప్రతి ఒక్కరూ మంచి జీవనశైలిని కోరుకుంటారు. ఖరీదైన ఫోన్లు, కార్లు, బట్టలు ఉండటం ఒక ఎత్తు అయితే, రెస్టారెంట్లకు వెళ్లినప్పుడు వడ్డించే వారికి (వెయిటర్లకు) టిప్ ఇవ్వడం మనందరికీ తెలిసిన విషయమే. సాధారణంగా మన దగ్గర టిప్ అంటే రూ. 50 లేదా రూ. 100 ఇస్తుంటాం, చాలా ఎక్కువైతే రూ. 500 వరకు ఉండవచ్చు. కానీ, అమెరికాలో ఒక వ్యక్తి ఒక వెయిటర్కు ఏకంగా రూ. 7 లక్షలు టిప్ ఇచ్చి అందరినీ దిగ్భ్రాంతికి గురిచేశాడు.
అసలేం జరిగింది? నార్త్ కరోలినాలోని ‘సూప్ డాగ్’ రెస్టారెంట్లో పనిచేసే ఎలానా క్లస్టర్ అనే ఉద్యోగిని వద్దకు వచ్చిన ఒక వ్యక్తి, కేవలం రెండు గ్లాసుల నీళ్లు మాత్రమే అడిగి తీసుకున్నాడు. కానీ, అతను వెళ్తూ టిప్ రూపంలో రూ. 7,37,550 ఇచ్చాడు. ఇంత పెద్ద మొత్తాన్ని చూసి ఆ ఉద్యోగిని ఒక్క క్షణం నమ్మలేకపోయింది. ఎవరో తనతో ప్రాంక్ (మజాక్) చేస్తున్నారని అనుకుంది. కానీ, ఆ టిప్ ఇచ్చేటప్పుడు అతను ఒక చిటికెలో, “రుచికరమైన నీటిని అందించినందుకు ధన్యవాదాలు” అని రాసి ఉంది.
ఎవరీ ఉదారవంతుడు? ఇంత భారీ మొత్తాన్ని టిప్గా ఇచ్చిన ఆ వ్యక్తి పేరు ‘మిస్టర్ బీస్ట్’. ఇతను ఒక ప్రముఖ యూట్యూబర్. సోషల్ మీడియాలో మిలియన్ల కొద్దీ సబ్స్క్రైబర్లు ఉన్న ఇతను, తరచుగా ఇలాంటి వింతైన, ఉదారమైన పనులను వీడియోలు తీసి తన ఛానెల్లో పెడుతుంటాడు. ఆ వ్యక్తి అందించిన టిప్ను చూసి ఆ రెస్టారెంట్ సిబ్బంది ఆశ్చర్యపోయారు.