లండన్‌లో జరుగుతున్న ప్రముఖ సిల్వర్‌స్టోన్ కార్ రేసింగ్‌ను నటుడు, టీవీకే అధ్యక్షుడు విజయ్ స్వయంగా వీక్షిస్తున్న సమయంలో.. అనూహ్యంగా నటి త్రిష అక్కడికి చేరుకుని రేస్‌ను తిలకించిన దృశ్యాలు సోషల్ మీడియాలో దావానలంలా వ్యాపిస్తున్నాయి.
బ్రిటన్ పర్యటనలో భాగంగా నటుడు అజిత్ కుమార్ ఆహ్వానం మేరకు విజయ్ ఈ లే మాన్స్ కప్ సిల్వర్‌స్టోన్ కార్ రేసింగ్‌ను జెండా ఊపి ప్రారంభించారు. రేస్ ట్రాక్ వద్దకు వచ్చిన విజయ్, అజిత్‌ను చూసి ఆత్మీయంగా ఆలింగనం చేసుకుని శుభాకాంక్షలు తెలిపారు. అనంతరం అజిత్ రేసింగ్ కారుపై కూర్చుని ప్రత్యేకంగా ఫొటోలు దిగారు.
ఈ నేపథ్యంలో నటి రాధికతో కలిసి బ్రిటన్‌లో ఉన్న ఫొటోలు బయటకు వచ్చిన వెంటనే, నటి త్రిష నేరుగా రేసింగ్ జరుగుతున్న సిల్వర్‌స్టోన్ వేదికకు వచ్చారు. అజిత్ కుమార్ ప్రత్యేక ఆహ్వానం మేరకే త్రిష అక్కడికి వెళ్లినట్లు తెలుస్తోంది.
రేస్ ట్రాక్ వద్దకు వచ్చిన త్రిష, వీఐపీ గ్యాలరీలో విజయ్‌తో కలిసి కార్ రేస్‌ను వీక్షించారు. అటు చిత్రసీమలో, ఇటు రాజకీయాల్లో సంచలనంగా మారిన వీరిద్దరూ ఒకే వేదికపై పక్కపక్కనే కూర్చుని రేస్‌ను ఆస్వాదిస్తున్న దృశ్యాలు నెటిజన్లలో తీవ్ర ఆశ్చర్యాన్ని, పెద్ద ఎత్తున చర్చను రేకెత్తించాయి.
విజయ్ లండన్ పర్యటన, అజిత్ కార్ రేస్, ఇప్పుడు త్రిష ఆకస్మిక ఎంట్రీ.. ఇవన్నీ కలిసి లండన్ సిల్వర్‌స్టోన్ మైదానాన్ని తమిళనాడు ప్రజల దృష్టిని ఆకర్షించే ప్రధాన కేంద్రంగా మార్చాయి. దీనికి సంబంధించిన ఫొటోలు, వీడియోలు ప్రస్తుతం సోషల్ మీడియాలో తెగ వైరల్ అవుతున్నాయి.