ఉత్తర ప్రదేశ్లోని ఏటా జిల్లాలో ఒక గుండెలవిసే ఘటన వెలుగులోకి వచ్చింది. పెళ్లయిన తర్వాత భర్తను వదిలేసి, ప్రియుడితో కలిసి లివ్-ఇన్ రిలేషన్షిప్లో ఉంటున్న ఒక 32 ఏళ్ల మహిళ.. అబార్షన్ (గర్భస్రావం) చేయించుకున్న తర్వాత ప్రాణాలు కోల్పోయింది. ఈ ఘటనతో గ్రామంలో భారీ నిరసనలు వ్యక్తమవ్వగా, పోలీసులు జోక్యం చేసుకుని పరిస్థితిని అదుపులోకి తెచ్చారు.
తమ కుమార్తెపై ప్రియుడు బలవంతంగా అబార్షన్ చేయించుకోవాలని ఒత్తిడి తెచ్చాడని, వైద్య చికిత్స పొందిన తర్వాతే ఆమె ఆరోగ్యం క్షీణించి మరణించిందని మహిళ కుటుంబ సభ్యులు ఆరోపిస్తున్నారు.
భర్తను వదిలేసి పుట్టింటికి..
ఈ కేసును తీవ్రంగా పరిగణించిన పోలీసులు బాధితురాలి కుటుంబ సభ్యులను విచారించగా కీలక విషయాలు తెలిశాయి. 32 ఏళ్ల శివకు గతంలో రేవారీకి చెందిన సునీల్తో వివాహమైంది. అయితే వారి వైవాహిక బంధం ఎక్కువ కాలం సాగలేదు. దీంతో శివ భర్తను వదిలేసి నగ్లా మిశ్రీ గ్రామంలోని తన పుట్టింటికి వచ్చి ఉండసాగింది. ఇక్కడే ఆమెకు అశ్విని అనే యువకుడితో పరిచయం ఏర్పడి, అది కాస్తా స్నేహంగా మారింది.
మోసం చేసిన లివ్-ఇన్ పార్టనర్
శివ తన ప్రియుడు అశ్వినితో కలిసి లివ్-ఇన్ రిలేషన్షిప్లో ఉండటం ప్రారంభించిందని కుటుంబ సభ్యులు తెలిపారు. ఏడాదిన్నర పాటు కలిసి ఉండటంతో వారి మధ్య శారీరక సంబంధం ఏర్పడింది, అప్పటి నుండే వివాదాలు మొదలయ్యాయి. అశ్విని తనపై అబార్షన్ చేయించుకోవాలని ఒత్తిడి తెచ్చాడని, దానివల్లే శివ ఆరోగ్యం అకస్మాత్తుగా క్షీణించిందని ఆమె మేనమామ పోలీసు విచారణలో ఆరోపించారు.
పోస్ట్మార్టం నివేదికతో తేలనున్న నిజాలు
గత 10 రోజులుగా శివ అనారోగ్యంతో బాధపడుతోందని, మొదట అశ్విని ఆమెను ఏటాలోని ఆసుపత్రికి, ఆ తర్వాత ఆగ్రాలోని ఆసుపత్రికి తీసుకెళ్లి చికిత్స చేయించాడని కుటుంబ సభ్యులు వివరించారు. అక్కడ అబార్షన్ ప్రక్రియ సమయంలో శివకు కడుపులో తీవ్రమైన నొప్పి మొదలై పరిస్థితి విషమించింది. పోలీసులు మృతదేహానికి పోస్ట్మార్టం పూర్తి చేసి కుటుంబ సభ్యులకు అప్పగించారు. అయితే మృతదేహం గ్రామానికి చేరుకున్నాక కుటుంబ సభ్యులు, గ్రామస్తులు ఆందోళనకు దిగారు. చివరకు పోలీసులు జోక్యం చేసుకుని సర్దిచెప్పడంతో అంత్యక్రియలు నిర్వహించారు. ప్రస్తుతం గ్రామంలో ఉద్రిక్త వాతావరణం నెలకొనగా, ఈ మరణానికి గల అసలు కారణాలను తెలుసుకోవడానికి పోలీసులు దర్యాప్తు చేస్తున్నారు.
Leave a Reply