ఒక వన్డే మ్యాచ్లో ఒక జట్టు 50 ఓవర్లలో ఏకంగా 822 పరుగులు సాధించడమే కాకుండా, 104 ఫోర్లు, 26 సిక్సర్లతో విరుచుకుపడింది. క్రికెట్ అభిమానులకు ఇది ఒక పెద్ద అద్భుతం. ఎందుకంటే 50 ఓవర్లలో (300 బంతుల్లో) 822 పరుగుల స్కోరు చేయడం దాదాపు అసాధ్యం.
కానీ ఒక జట్టు వన్డే మ్యాచ్లో పూర్తి 50 ఓవర్లు ఆడి 822 పరుగుల కొండంత స్కోరును నిలబెట్టింది. తమ ఇన్నింగ్స్ సమయంలో ఈ జట్టు 104 ఫోర్లు మరియు 26 సిక్సర్లు బాదింది. క్రికెట్ చరిత్రలో తొలిసారిగా ఈ అసాధ్యమైన ప్రపంచ రికార్డు నమోదైంది.
ఈ జట్టు 50 ఓవర్లలో 822 పరుగులు ఎలా సాధించింది?
భారత్లో ప్రస్తుతం IPL 2026 సందడి కొనసాగుతుండగా, జింబాబ్వేలోని ఒక డొమెస్టిక్ వన్డే క్రికెట్ మ్యాచ్లో ఒక అద్భుతం చోటుచేసుకుంది. జింబాబ్వే డొమెస్టిక్ ఫస్ట్-లీగ్లో ఒక జట్టు క్రికెట్ చరిత్రలోనే తొలిసారిగా 822 పరుగుల భారీ స్కోరును సాధించింది. స్కార్పియన్స్ క్రికెట్ క్లబ్ ఈ అసాధ్యమైన వరల్డ్ రికార్డును నెలకొల్పింది. స్కార్పియన్స్ క్రికెట్ క్లబ్ మరియు మీథేన్ లయన్స్ మధ్య జరిగిన ఈ మ్యాచ్లో తొలుత బ్యాటింగ్ చేసిన స్కార్పియన్స్ జట్టు 50 ఓవర్లలో 4 వికెట్ల నష్టానికి 822 పరుగుల భారీ స్కోరు చేసింది.
తొలిసారిగా నమోదైన అసాధ్యమైన వరల్డ్ రికార్డ్
ఈ మ్యాచ్ ఫలితం అభిమానులను మరింత ఆశ్చర్యపరిచింది. 823 పరుగుల భారీ లక్ష్యంతో బరిలోకి దిగిన మీథేన్ లయన్స్ ఇన్నింగ్స్ కేవలం 7.5 ఓవర్లలో 28 పరుగులకే కుప్పకూలింది. దీంతో స్కార్పియన్స్ క్రికెట్ క్లబ్ 794 పరుగుల భారీ తేడాతో విజయం సాధించింది. టాస్ గెలిచిన తర్వాత స్కార్పియన్స్ కెప్టెన్ ప్రేజ్ మకాజా మొదట బ్యాటింగ్ చేయాలని నిర్ణయించుకున్నాడు. ఈ నిర్ణయం మీథేన్ లయన్స్ బౌలర్లకు పీడకలగా మారింది.
ఈ బ్యాటర్ల విధ్వంసం: ఒకరు ట్రిపుల్ సెంచరీ, ఇద్దరు సెంచరీలు
ఈ మ్యాచ్కు అసలైన హీరో తకుండ మడెంబో. ఇతను కేవలం 143 బంతుల్లో 211.1 స్ట్రైక్ రేట్తో 302 పరుగుల సుడిగాలి ఇన్నింగ్స్ ఆడాడు. మడెంబో ఇన్నింగ్స్లో 50 ఫోర్లు, 7 సిక్సర్లు ఉన్నాయి. మడెంబోతో పాటు విన్ఫ్రెడ్ ముటెండే 75 బంతుల్లో 203 పరుగులతో మరో అద్భుతమైన ఇన్నింగ్స్ ఆడాడు. ముటెండే 270.6 స్ట్రైక్ రేట్తో బ్యాటింగ్ చేస్తూ 23 ఫోర్లు, 13 సిక్సర్లు బాదాడు. వీరితో పాటు గాబ్రియల్ జయా కేవలం 49 బంతుల్లో 110 పరుగులతో నాటౌట్గా నిలవగా, విన్సెంట్ మోయో 39 బంతుల్లో 78 పరుగులు చేశాడు.
794 పరుగుల తేడాతో విజయం
స్కార్పియన్స్ క్రికెట్ క్లబ్ 50 ఓవర్లలో 822/4 స్కోరును ఓవర్కు 16.44 పరుగుల చొప్పున సాధించింది. తొలి ఇన్నింగ్స్లో బ్యాటర్లకు స్వర్గధామంలా ఉన్న పిచ్, మీథేన్ లయన్స్ బ్యాటింగ్ సమయంలో ఒక్కసారిగా బౌలర్లకు అనుకూలించింది. మీథేన్ లయన్స్ జట్టు 28 పరుగులకే ఆలౌట్ కావడంతో, స్కార్పియన్స్ జట్టు 794 పరుగుల తేడాతో చారిత్రాత్మక విజయం సాధించింది. వన్డే క్రికెట్లో స్కోరింగ్ను స్కార్పియన్స్ క్రికెట్ క్లబ్ సరికొత్త స్థాయికి తీసుకెళ్లింది.