వాషింగ్ మెషిన్: మనం బట్టలు ఉతకడానికి ఉపయోగించే వాషింగ్ మెషిన్లో పేరుకుపోయే మురికి, బ్యాక్టీరియా మరియు ఫంగస్ వల్ల బట్టల నుండి దుర్వాసన వస్తుంటుంది. ఇంట్లో ఉండే వినెగర్, బేకింగ్ సోడా వంటి సాధారణ వస్తువులతో మెషిన్ను శుభ్రం చేసి, దాని ఆయుష్షును పెంచుకోవచ్చు.
మెషిన్ను శుభ్రం చేసే 5 సూపర్ టిప్స్:
- డీప్ క్లీనింగ్ (వినెగర్ & బేకింగ్ సోడా): మెషిన్ ఖాళీగా ఉన్నప్పుడు ‘హాట్ వాటర్’ (Hot Water) మోడ్లో పెట్టండి. డిటర్జెంట్ బాక్స్లో రెండు కప్పుల వినెగర్ పోసి మెషిన్ ఆన్ చేయండి. మెషిన్ సగం నిండిన తర్వాత ఆపి, అందులో అర కప్పు బేకింగ్ సోడా వేసి ఒక గంట సేపు నాననివ్వండి. ఆ తర్వాత మెషిన్ ఆన్ చేసి సైకిల్ పూర్తి చేయండి. ఇది బ్యాక్టీరియాను మరియు దుర్వాసనను పూర్తిగా తొలగిస్తుంది.
- డిటర్జెంట్ బాక్స్ శుభ్రత: సోపు లేదా లిక్విడ్ వేసే ట్రేలో ఎక్కువగా పాచి పడుతుంది. ఈ బాక్స్ను తీసి, గోరువెచ్చని సోపు నీటిలో 20 నిమిషాలు నానబెట్టండి. పాత టూత్ బ్రష్తో మూలల్లో ఉన్న మురికిని వదిలించి, శుభ్రంగా కడిగి తిరిగి అమర్చండి.
- రబ్బర్ మడతలను శుభ్రం చేయడం: ‘ఫ్రంట్ లోడ్’ మెషిన్లలో డోర్ చుట్టూ ఉండే రబ్బర్ మడతలలో నీరు నిలిచిపోయి ఫంగస్ (బూజు) పడుతుంది. వినెగర్, నీరు కలిపిన మిశ్రమంలో బట్టను ముంచి రబ్బర్ మడతలను బాగా తుడవండి. మొండి మరకలు ఉంటే బ్రష్ ఉపయోగించండి.
- డ్రెయిన్ ఫిల్టర్ క్లీనింగ్: మెషిన్ ముందు భాగంలో కింద ఉండే చిన్న డోర్ వంటి భాగాన్ని తెరిచి ఫిల్టర్ శుభ్రం చేయాలి. ఇది చేసేటప్పుడు నీరు కింద పడకుండా ట్రే లేదా గుడ్డను సిద్ధం చేసుకోండి. దీనిలో పేరుకుపోయిన కాయిన్లు, జుట్టు, బటన్లు వంటి చెత్తను తీసివేసి క్లీన్ చేయండి. ప్రతి 2-3 నెలలకొకసారి ఇది తప్పక చేయాలి.
- ముఖ్యమైన జాగ్రత్తలు:
- మెషిన్ కెపాసిటీకి మించి బట్టలను నింపకండి, ఇది మోటార్పై భారం వేస్తుంది.
- బట్టలు ఉతికిన వెంటనే మెషిన్ డోర్ మూసేయకుండా, కనీసం అరగంట సేపు తెరిచి ఉంచండి. దీనివల్ల లోపల గాలి ఆడి ఫంగస్ చేరకుండా ఉంటుంది.
- ‘హై ఎఫిషియన్సీ’ (HE) లిక్విడ్ లేదా పౌడర్లను మాత్రమే ఉపయోగించండి. సాధారణ సోపు పొడి ఎక్కువ నురుగును ఇచ్చి మెషిన్ను పాడవుతుంది.
సూచన: మెషిన్ నుండి అసాధారణమైన శబ్దాలు రావడం, విద్యుత్ షాకులు తగలడం లేదా నీరు లీక్ అవ్వడం వంటి సాంకేతిక సమస్యలు వస్తే, మీరే ప్రయత్నించకుండా వెంటనే నిపుణుడైన మెకానిక్ను సంప్రదించడం మంచిది.