న్యూజిలాండ్‌తో వడోదరలో జరుగుతున్న తొలి వన్డేలో విరాట్ కోహ్లీ ఈ అరుదైన ఘనతను సాధించాడు. 25 పరుగులు చేస్తే ఈ రికార్డు చేరుకునే క్రమంలో, ఒక ఫోర్ బాది కోహ్లీ 28 వేల పరుగుల క్లబ్‌లో చేరాడు. అంతర్జాతీయ క్రికెట్‌లో ఈ ఘనత సాధించిన ప్రపంచంలోనే మూడవ బ్యాటర్ కోహ్లీ. గతంలో సచిన్ టెండూల్కర్ మరియు కుమార సంగక్కర మాత్రమే ఈ మైలురాయిని దాటారు.
సచిన్ కంటే వేగంగా..
విరాట్ కోహ్లీ తన 624వ ఇన్నింగ్స్‌లో 28 వేల పరుగులను పూర్తి చేశాడు. గతంలో ఈ రికార్డు సచిన్ పేరిట ఉండేది.
- విరాట్ కోహ్లీ: 624 ఇన్నింగ్స్‌లు
- సచిన్ టెండూల్కర్: 644 ఇన్నింగ్స్‌లు
- కుమార సంగక్కర: 666 ఇన్నింగ్స్‌లు
సంగక్కర రికార్డు బద్దలు – రెండో స్థానానికి కోహ్లీ:
అంతర్జాతీయ క్రికెట్‌లో అత్యధిక పరుగులు చేసిన బ్యాటర్ల జాబితాలో కోహ్లీ ఇప్పుడు రెండో స్థానానికి చేరుకున్నాడు. ఈ మ్యాచ్‌లో 42 పరుగులు చేయగానే సంగక్కర (28,016 పరుగులు) రికార్డును అధిగమించి కోహ్లీ రెండో స్థానానికి ఎగబాకాడు. ప్రస్తుతం కోహ్లీ కంటే ముందు కేవలం సచిన్ టెండూల్కర్ మాత్రమే ఉన్నారు.
కోహ్లీ కెరీర్ గణాంకాలు (వడోదర వన్డే ముందు వరకు):
- మొత్తం మ్యాచ్‌లు: 556
- మొత్తం ఇన్నింగ్స్‌లు: 623
- మొత్తం పరుగులు: 27,975
- సగటు: 52.58
- శతకాలు: 84
- అర్ధ శతకాలు: 145
- టెస్టు పరుగులు: 9,230 (123 మ్యాచ్‌లు)
- టీ20 ఐ పరుగులు: 4,188 (125 మ్యాచ్‌లు)