లక్నో: వివాహ విందులో ఒకరి బట్టలపై చికెన్ కర్రీ పడటంతో మొదలైన ఘర్షణ ఒకరి ప్రాణం తీసింది.
ఉత్తరప్రదేశ్లోని గోరఖ్పూర్లో ఈ ఘటన జరిగింది. వరుడి తరఫున వచ్చిన సుమిత్ కుమార్ (25) అనే యువకుడు ఈ గొడవలో మరణించాడు. ఈ ఘర్షణలో మరో ఆరుగురు గాయపడినట్లు సమాచారం. షాపూర్ పోలీస్ స్టేషన్ పరిధిలో రాత్రి సమయంలో ఈ ఘటన చోటుచేసుకుంది.
వివాహ వేడుకలో డీజే (DJ) పాటల వద్ద మొదలైన చిన్నపాటి ఘర్షణ, ఆ తర్వాత విందు సమయంలో ఒకరి బట్టలపై చికెన్ కర్రీ పడటంతో తీవ్రరూపం దాల్చింది. రెండు వర్గాల వారు రాళ్లు, బెల్టులు, వెదురు కర్రలు మరియు కత్తులతో పరస్పరం దాడి చేసుకున్నారు. ఈ గొడవలో తీవ్రంగా గాయపడిన సుమిత్ కుమార్ను వెంటనే ఆసుపత్రికి తరలించారు. చికిత్స పొందుతూ ఆయన నిన్న మరణించారు. సుమిత్ కుమార్కు మూడు నెలల క్రితమే వివాహం జరిగింది. మొబైల్ షాపులో పనిచేసే సుమిత్, తన కుటుంబానికి ఏకైక ఆధారం. ఈ ఘటనపై కేసు నమోదు చేసిన పోలీసులు దర్యాప్తు ప్రారంభించారు.