బెంగళూరు: కర్ణాటకలో గర్భంతో ఉన్న నీటి ఏనుగుకు చికిత్స అందించడానికి వచ్చిన జంతు వైద్యాధికారిని ఆ నీటి ఏనుగు దాడి చేసి చంపడం తీవ్ర దిగ్భ్రాంతిని కలిగించింది. నీటి ఏనుగు దాడిలో అధిక రక్తస్రావం కావడంతో డాక్టర్ సమీక్షా రెడ్డి (27) అక్కడికక్కడే ప్రాణాలు కోల్పోయారు.
ఏం జరిగింది? బెంగళూరుకు చెందిన డాక్టర్ సమీక్షా రెడ్డి, కర్ణాటకలోని షిమోగా జిల్లా త్యావరేకొప్ప సింహాలు మరియు పులుల సఫారీలో ట్రైనీ వెటర్నరీ ఆఫీసర్‌గా పనిచేస్తున్నారు. మరో కొద్ది రోజుల్లో ఆమె శిక్షణ పూర్తి కావాల్సి ఉంది. మార్చి 19వ తేదీ రాత్రి 10:30 గంటల సమయంలో, అనారోగ్యంతో ఉన్న గర్భిత నీటి ఏనుగు శరీర ఉష్ణోగ్రతను పరీక్షించడానికి ఆమె ప్రయత్నించారు. ఆ సమయంలో నీటి ఏనుగు అకస్మాత్తుగా ఆమెపై దాడి చేసింది.
దురదృష్టకర ప్రమాదం: దీనిని ఊహించని సిబ్బంది వెంటనే ఆమెను రక్షించి, రక్తపు మడుగులో ఉన్న సమీక్షను షిమోగాలోని ఒక ప్రైవేట్ ఆసుపత్రికి తరలించారు. అక్కడ ఆమెకు తీవ్రమైన చికిత్స అందించినప్పటికీ, కాలేయం (Liver) దెబ్బతినడం మరియు రక్తస్రావం ఎక్కువగా ఉండటంతో ఆమె శరీరం చికిత్సకు సహకరించలేదు.
తీవ్రమైన గాయాలు: వైద్యుల కథనం ప్రకారం.. ఆమెకు లోతైన గాయాలు కావడం వల్ల రక్తం బాగా పోయిందని, దీనివల్ల కాలేయం దెబ్బతిని గుండెపోటుకు దారితీసిందని తెలిపారు. మార్చి 20వ తేదీ ఉదయం 6:30 గంటలకు సమీక్షా రెడ్డి చికిత్స పొందుతూ మృతి చెందారు.
మంత్రి ఆదేశాలు: అటవీ శాఖ మంత్రి ఈశ్వర్ ఖాండ్రే ఈ ఘటనపై సంతాపం వ్యక్తం చేస్తూ, భవిష్యత్తులో ఇలాంటివి జరగకుండా ఉండేందుకు స్టాండర్డ్ ఆపరేటింగ్ ప్రొసీజర్స్ (SOPs) కచ్చితంగా పాటించాలని అధికారులను ఆదేశించారు. ఈ ఘటనపై విచారణ జరిపి నివేదిక సమర్పించాలని ఒక కమిటీని కూడా ఏర్పాటు చేశారు.