గుజరాత్: సాధారణంగా దొంగతనం అనగానే డబ్బు, నగలు లేదా విలువైన వస్తువులు మాయమవ్వడం వింటూ ఉంటాం. కానీ, ఇటీవల వెలుగులోకి వచ్చిన ఒక వింత ఘటన అందరినీ ఆశ్చర్యానికి గురి చేస్తోంది. ఒక వ్యక్తి మహిళల లోదుస్తులను దొంగిలించేవాడనే విషయం బయటపడటంతో ఆ కుటుంబ సభ్యులు దిగ్భ్రాంతికి గురయ్యారు. ఈ ఘటనతో సదరు మహిళ వైవాహిక జీవితం ఒక్కసారిగా తలకిందులైంది.
ఆ దంపతులకు పెళ్లై దాదాపు 30 ఏళ్లు అయ్యింది. ఇన్నేళ్లు కలిసి కాపురం చేసిన తర్వాత భర్తకు ఉన్న ఈ వికృతమైన అలవాటు గురించి తెలియడంతో భార్య మానసికంగా కృంగిపోయింది. తన భర్తకు మహిళల లోదుస్తుల పట్ల ఒక రకమైన వింత ఆకర్షణ ఉందని ఆమెకు ముందే తెలుసు. కానీ, ఆ పిచ్చితో అతను తెలిసిన వారి ఇళ్లలోనే దొంగతనాలకు పాల్పడతాడని ఆమె ఎప్పుడూ ఊహించలేదు.
ఆ మహిళ తెలిపిన వివరాల ప్రకారం.. ఆమె భర్త తమకు అత్యంత సన్నిహితులైన మహిళల లోదుస్తులనే దొంగిలించేవాడు. ఇందులో వారి బంధువులు, స్నేహితులు మరియు ఇరుగుపొరుగు మహిళలు ఉన్నారు. వారి ఇళ్లకు వెళ్లినప్పుడు లేదా ఏదైనా ఫంక్షన్ల సమయంలో అదును చూసి అతను ఈ దొంగతనాలకు పాల్పడేవాడు. ఈ విషయం బయటపడటంతో ఆ భార్య తీవ్రమైన మానసిక వేదనకు గురవుతోంది.
దీనిపై ఆమె ఒక వెబ్‌సైట్‌లో తన ఆవేదనను వ్యక్తం చేస్తూ, తన భర్తను ‘ప్యాంటీ తీఫ్’ (Panty Thief) అని సంబోధించింది. ఇన్నేళ్ల నమ్మకం ఒక్కసారిగా విచ్ఛిన్నమైందని, సమాజంలో తలెత్తుకుని ఎలా తిరగాలో, బంధువులతో ఎలా మాట్లాడాలో అర్థం కావడం లేదని ఆమె వాపోయింది. ఈ వయసులో ఇప్పుడు ఏం చేయాలో తెలియని సందిగ్ధంలో ఆమె ఉండిపోయింది.
ఈ ఘటన సోషల్ మీడియాలో చర్చనీయాంశంగా మారింది. ఇది గుజరాత్‌లో జరిగినట్లు జాతీయ మీడియా కథనాలు పేర్కొన్నాయి. చాలా మంది దీనిని ఒక మానసిక రుగ్మతగా అభివర్ణిస్తుండగా, మరికొందరు ఆ మహిళకు ధైర్యం చెబుతూ సరైన నిర్ణయం తీసుకోవాలని సూచిస్తున్నారు.