హర్యానా (Haryana): గత నవంబర్ చివరి వారంలో ఫ్యాన్సీ నంబర్ కోసం ఏకంగా ₹1.17 కోట్లకు అమ్ముడుపోయిన, హర్యానాలో అత్యంత చర్చనీయాంశమైన వీఐపీ నంబర్ ప్లేట్ ‘HR88B8888’ ను గెలుచుకున్న బిడ్డర్లు (విజేతలు) తమకు ఇచ్చిన గడువులోగా రుసుము చెల్లించడంలో విఫలమయ్యారు.
అందువల్ల, ఈ నంబర్ ప్లేట్‌కు మళ్లీ వేలం (Re-Bidding) ప్రక్రియ జరగనుంది.
అవును, భారతదేశంలోనే అత్యంత ఖరీదైన రిజిస్ట్రేషన్ ప్లేట్‌గా సోషల్ మీడియాలో పెద్ద క్రేజ్ సృష్టించిన ఈ నంబర్ ప్లేట్‌ను రోములస్ సొల్యూషన్స్ ప్రైవేట్ లిమిటెడ్ డైరెక్టర్ అయిన సుధీర్ కుమార్ గెలుచుకున్నారు. రెండు రోజుల ఆన్‌లైన్ బిడ్డింగ్ తర్వాత, కుమార్ ₹1.17 కోట్ల మొత్తానికి ఈ ప్లేట్‌ను సొంతం చేసుకున్నారు.
అయితే ఇప్పుడు, ఈ నంబర్ ప్లేట్ మళ్లీ వేలానికి వచ్చింది. ఇది ఇప్పుడు ఎంత మొత్తానికి అమ్ముడుపోతుంది అనే ఆసక్తి నెలకొంది.