సోషల్ మీడియాలో కొన్ని వీడియోలు మన హృదయాలను హత్తుకుంటాయి. మరికొన్ని మనల్ని ఆశ్చర్యానికి గురిచేస్తాయి. అటువంటి ఒక అందమైన వీడియో ఇప్పుడు ఇంటర్నెట్‌లో వైరల్ అవుతోంది. ఒక చిన్నారి ఒక వృద్ధ యాచకుడికి డబ్బులు ఇస్తున్న దృశ్యం నెటిజన్ల ముఖాల్లో చిరునవ్వు నింపుతోంది.
వీడియోలో ఏముంది? వీడియోలో ఒక వృద్ధుడు చిరిగిన దుస్తులతో రోడ్డు పక్కన కూర్చుని ఉండటం కనిపిస్తుంది. వయసు మళ్లిన అలసట ఆయన ముఖంలో స్పష్టంగా కనిపిస్తోంది. ఆయన దారిపోయే వారిని సహాయం చేయమని అర్ర్థిస్తున్నారు. అప్పుడు ఒక చిన్నారి ఆయన దగ్గరకు వచ్చి, తన జేబులో నుంచి 10 రూపాయల నోటు తీసి ఆయన చేతిలో పెట్టింది. ఆ చిన్నారి చూపిన జాలికి ఆ వృద్ధుడు కదిలిపోయాడు.
ఆ తర్వాత ఆయన చేసిన పని ఇప్పుడు చర్చనీయాంశంగా మారింది. ఆ వృద్ధుడు సంతోషంతో ఆ డబ్బును తీసుకున్నప్పటికీ, వెంటనే తిరిగి ఆ చిన్నారి గౌను జేబులోనే పెట్టేశాడు. ఆపై ఆ పాప పాదాలకు నమస్కరించి తన కృతజ్ఞతను చాటుకున్నాడు. ఆ చిన్నారికి ఉన్న దయాగుణమే ఆమెకు అతిపెద్ద ఆస్తి అని ఆయన తన చర్య ద్వారా చెప్పాలనుకున్నట్లుగా ఆ దృశ్యం ఉంది.