భారతదేశంలో ఆటో రిక్షాలు కేవలం రవాణా సాధనాలు మాత్రమే కాదు, అవి భావ వ్యక్తీకరణకు కదిలే కాన్వాసుల వంటివి. రద్దీగా ఉండే రోడ్లపై ఈ మూడు చక్రాల వాహనాలపై ఉండే రంగురంగుల విద్యుత్ దీపాలు, చమత్కారమైన నినాదాలు లేదా విచిత్రమైన పోస్టర్లు తరచుగా అందరి దృష్టిని ఆకర్షిస్తుంటాయి.
ఇదే క్రమంలో, బెంగళూరుకు చెందిన ఒక ఆటో డ్రైవర్ తన ఆటో వెనుక ఉన్న ఒక విలక్షణమైన నినాదం ఫోటో వైరల్ కావడంతో మరోసారి ఇంటర్నెట్ దృష్టిని ఆకర్షించాడు.
వాలెంటైన్స్ డేకి ముందు, తన వాహనం వెనుక పెయింట్ చేసిన సందేశం సోషల్ మీడియాలో చక్కర్లు కొట్టడంతో ఈ డ్రైవర్ ఫేమస్ అయ్యాడు. ఆ సందేశం ఇలా ఉంది: “ప్రేమ అబద్ధం కాదు, ప్రేమికులే అబద్ధం.” . ఈ కోట్ పక్కనే సంజయ్ దత్ ఫోటో కూడా ఉంది. సరళంగా ఉన్నప్పటికీ ఆలోచింపజేసేలా ఉన్న ఈ లైన్ నెటిజన్లను ఆకట్టుకుంది, దీనితో ఈ ఆటో ఇన్‌స్టాగ్రామ్‌లో వైరల్ సెన్సేషన్‌గా మారింది.