స్కూలుకు వెళ్లకుండా యువకుడి ఇంటికి వెళ్లిన 11వ తరగతి విద్యార్థినులు! ఒకరు మృతి… మరొకరి పరిస్థితి విషమం! అసలేం జరిగింది?

ఉత్తరప్రదేశ్‌లోని సహారన్‌పూర్ జిల్లా చిల్కానా ప్రాంతంలో 11వ తరగతి చదువుతున్న ఇద్దరు విద్యార్థినులు పాఠశాలకు వెళ్లకుండా బయటకు వెళ్లిన ఘటన తీవ్ర కలకలం రేపింది.

వీరిద్దరూ తమకు పరిచయమున్న ఒక యువకుడి ఇంటికి వెళ్లినట్లు ప్రాథమిక విచారణలో తేలింది. అక్కడ ఆ ఇద్దరు బాలికలు ఆత్మహత్యాయత్నానికి పాల్పడినట్లు పోలీసులు తెలిపారు. ఈ ఘటనలో ఒక విద్యార్థిని మృతి చెందగా, మరొకరి పరిస్థితి అత్యంత విషమంగా ఉండటంతో ఆసుపత్రిలో చేర్పించారు.

ఘటనపై సమాచారం అందుకున్న వెంటనే పోలీసులు అక్కడికి చేరుకుని ఇద్దరు విద్యార్థినులను ఆసుపత్రికి తరలించారు. వారిలో ఒకరిని పరీక్షించిన వైద్యులు ఆమె అప్పటికే మరణించినట్లు ధృవీకరించారు. తీవ్ర అపస్మారక స్థితిలో ఉన్న మరో విద్యార్థినికి ఐసీయూలో అత్యవసర చికిత్స అందిస్తున్నారు. బాలికలు స్కూలుకు డుమ్మా కొట్టి ఆ యువకుడి ఇంటికి ఎందుకు వెళ్లాల్సి వచ్చిందనే దానిపై పోలీసులు ఆరా తీస్తున్నారు.

ఈ అఘాయిత్యానికి గల ఖచ్చితమైన కారణాలు ఇంకా వెల్లడికాలేదు. విద్యార్థినుల కుటుంబ సభ్యులు, స్నేహితులు మరియు ఆ యువకుడిని పోలీసులు విచారిస్తున్నారు. అలాగే విద్యార్థినుల మొబైల్ ఫోన్ కాల్ డేటా (CDR) సహా పలు కీలక ఆధారాలను కూడా సేకరించి విశ్లేషిస్తున్నారు.

ఒక బాలిక ప్రాణాలు కోల్పోవడం, మరొకరు మృత్యువుతో పోరాడుతుండటం ఆ ప్రాంతంలో తీవ్ర విషాదాన్ని, ఆందోళనను నింపింది. పోస్ట్‌మార్టం నివేదిక మరియు సమగ్ర దర్యాప్తు పూర్తయిన తర్వాతే ఈ ఘటన వెనుక ఉన్న పూర్తి వాస్తవాలు వెలుగులోకి వస్తాయని పోలీసులు స్పష్టం చేశారు.