వాషింగ్టన్: అర్జెంటీనాను ఓడించి స్పేన్ కప్పును కైవసం చేసుకుంది. ఈ మ్యాచ్లో ప్రత్యేక అతిథిగా పాల్గొన్న అమెరికా అధ్యక్షుడు డొనాల్డ్ ట్రంప్ విజేతలకు ట్రోఫీని అందించారు.
ఆ తర్వాత ఆయన అక్కడి నుండి వెళ్లకుండా పోడియం (వేదిక) పైనే నిలబడిపోయారు. దీన్ని గమనించిన ఫిఫా (FIFA) అధ్యక్షుడు జియాని ఇన్ఫాంటినో వెంటనే అక్కడికి వచ్చి ట్రంప్ను పక్కకు తీసుకెళ్లారు. దీనికి సంబంధించిన దృశ్యాలు ప్రస్తుతం ఇంటర్నెట్లో వైరల్ అవుతున్నాయి.
వరల్డ్ కప్ ఫుట్బాల్ టోర్నమెంట్ ఫైనల్ మ్యాచ్లో అర్జెంటీనాను 1-0 గోల్స్ తేడాతో ఓడించి స్పేన్ కప్పును కొట్టేసింది. అర్జెంటీనా జట్టును ఒక్క గోల్ కూడా చేయనివ్వకుండా స్పేన్ జట్టు పవర్ఫుల్ విజయాన్ని అందుకుంది.
విజేతగా నిలిచిన స్పేన్ ఆటగాళ్లు ట్రోఫీని అందుకున్న తర్వాత ఎంతో ఉత్సాహంగా వేడుకలు జరుపుకున్నారు. అమెరికా, కెనడాతో పాటు మరికొన్ని దేశాలు కలిసి ఈ ప్రపంచ కప్ టోర్నమెంట్ను నిర్వహించడంతో, ప్రైజ్ డిస్ట్రిబ్యూషన్ (బహుమతుల ప్రధానోత్సవం) లో అమెరికా అధ్యక్షుడు ట్రంప్ పాల్గొని ఆటగాళ్లకు కప్పును అందించారు. సాధారణంగా విజేతలకు ట్రోఫీని అందించిన తర్వాత ప్రత్యేక అతిథులు పోడియం నుండి వెంటనే పక్కకు తప్పుకోవడం ఆనవాయితీ.
కానీ, అమెరికా అధ్యక్షుడు ట్రంప్ కప్పును అందించిన తర్వాత కూడా వెంటనే పక్కకు కదలకుండా, కెమెరాలకు అడ్డంగా ఆటగాళ్ల ముందే నిలబడిపోయారు. ఆ తర్వాత స్పేన్ కెప్టెన్ రోడ్రి (Rodri) ఆయనను మెల్లగా పక్కకు జరగమంటూ సైగ చేశాడు. అయినా కూడా ట్రంప్ వెంటనే అక్కడి నుండి కదల్లేదు. దీంతో పక్కనే నిలబడి ఉన్న ఫిఫా అధ్యక్షుడు జియాని ఇన్ఫాంటినో వెంటనే రంగంలోకి వచ్చి ట్రంప్ను అక్కడి నుండి పక్కకు నడిపించారు.
స్పేన్ జట్టుతో కలిసి విజయోత్సవ వేడుకల్లో పాల్గొనాలని ట్రంప్ భావించినట్లు ఆయన ప్రవర్తన ద్వారా కనిపించింది. అయితే, దీనికి ఇష్టపడని స్పేన్ కెప్టెన్, ట్రంప్ను పక్కకు జరపడం వరల్డ్ కప్ ప్రైజ్ డిస్ట్రిబ్యూషన్ వేదికపై కాస్త ఇబ్బందికర వాతావరణాన్ని సృష్టించింది. అమెరికా అధ్యక్షుడు ట్రంప్ను ఒకవైపు స్పేన్ కెప్టెన్, మరోవైపు ప్రపంచ ఫుట్బాల్ సమైక్య (ఫిఫా) అధ్యక్షుడు పక్కకు జరపడానికి ప్రయత్నించినప్పటికీ, ట్రంప్ మాత్రం పట్టుదలగా ఇంచు ఇంచు మాత్రమే పక్కకు కదిలారు.
చివరకు స్పేన్ ఆటగాళ్లతో కలిసి ఒక పక్కన నిలబడి ఫోటోలకు పోజులిచ్చిన తర్వాతే ట్రంప్ అక్కడి నుండి వెళ్లారు. దీనికి సంబంధించిన వీడియో దృశ్యాలు ప్రస్తుతం సోషల్ మీడియాలో విపరీతంగా షేర్ అవుతున్నాయి.