స్వలింగ సంపర్కుడైన వ్యక్తి 13 నెలల పసికందును దత్తత తీసుకున్నాడు! రోజులు గడుస్తున్నా ఆ పసికందుపై పడుకోవడం ఎంత క్రూరత్వం…. శవపరీక్షలో బయటపడిన అవమానం!

లండన్: బ్రిటన్‌లో దత్తత తీసుకున్న 13 నెలల పసికందు ‘ప్రెస్టన్ డేవి’ మరణానికి సంబంధించిన కేసులో అక్కడి కోర్టు అత్యంత కీలకమైన తీర్పును వెలువరించింది.

ఆ పసికందు మరణం కేవలం ప్రమాదవశాత్తు జరిగింది కాదని, అది ముమ్మాటికీ హత్యేనని పోలీసుల విచారణలో రుజువైంది. దీనితో ఈ ఘోరానికి ఒడిగట్టిన ఇద్దరు నిందితులను కోర్టు నేరస్థులుగా ప్రకటించింది. ఈ కేసు విచారణలో బయటకు వచ్చిన నిజాలు ఆ దేశవ్యాప్తంగా తీవ్ర దిగ్భ్రాంతిని, ఆగ్రహాన్ని రేకెత్తించాయి. ముఖ్యంగా, ఆ పసికందు సుదీర్ఘకాలంగా తీవ్రమైన శారీరక హింసకు గురైనట్లు కోర్టు విచారణలో వెల్లడైంది.

ప్రమాదంగా చిత్రీకరించే ప్రయత్నం..
కేసు వివరాల ప్రకారం.. నిందితుడైన జేమీ వార్లీ మొదట పోలీసులను తప్పుదోవ పట్టించే ప్రయత్నం చేశాడు. పసికందు ప్రెస్టన్ డేవి ఉయ్యాల నుండి కిందపడిపోయాడని, ఆ తర్వాత బాత్‌టబ్‌లోని నీటిలో మునిగి ఊపిరాడక చనిపోయాడని కథ అల్లాడు. ప్రారంభంలో దీన్ని ఒక ప్రమాదంగానే అందరూ భావించినప్పటికీ.. పోలీసులు జరిపిన లోతైన విచారణలో అసలు నిజాలు బయటపడ్డాయి.

సదరు శిశువు యొక్క పోస్టుమార్టం నివేదికలో.. ఆ బిడ్డ మరణం ఊపిరాడకపోవడం ( వల్లే జరిగిందని తేలింది. అంతేకాకుండా, పసికందు శరీరంపై పలు చోట్ల తీవ్రమైన గాయాలు ఉన్నట్లు వైద్యులు కోర్టుకు సమర్పించిన నివేదికలో స్పష్టం చేశారు.

కోర్టు విచారణలో వెల్లడైన భయంకర నిజాలు
న్యాయస్థానంలో జరిగిన విచారణలో.. 13 నెలల చిన్నారి ప్రెస్టన్ డేవి గత కొన్ని నెలలుగా నిరంతరం తీవ్రమైన శారీరక వేధింపులకు, హింసకు గురైనట్లు తేలింది. బిడ్డ శరీరంలోని అంతర్గత అవయవాలు (ఇంటర్నల్ ఆర్గాన్స్) కూడా దారుణంగా దెబ్బతిన్నాయని మెడికల్ రిపోర్ట్స్ ద్వారా రుజువైంది.

దీనితో, పసికందు మరణానికి ప్రత్యక్ష కారణమైన జేమీ వార్లీపై మోపబడిన హత్య నేరం కోర్టులో నిరూపితమైంది. అదే సమయంలో, అతని భాగస్వామి (లివ్-ఇన్ పార్ట్నర్) అయిన జాన్ మెక్‌గోవన్-ఫాసాకర్లీ కూడా ఆ బిడ్డకు రక్షణ కల్పించడంలో పూర్తిగా విఫలమయ్యాడని, పసికందు మరణానికి దారితీసిన పరిస్థితులలో అతనికి కూడా సమాన బాధ్యత ఉందని కోర్టు నిర్ధారించింది.

బాలల రక్షణ చట్టాలపై బ్రిటన్‌లో చర్చ
ఈ సంచలన కేసు తీర్పు అనంతరం, బ్రిటన్‌లో బాలల రక్షణ మరియు దత్తత (అడాప్షన్) ప్రక్రియలపై మళ్లీ పెద్ద ఎత్తున చర్చ మొదలైంది. ఒక బిడ్డను దత్తత ఇచ్చిన తర్వాత.. ఆ పిల్లల సంక్షేమం, భద్రతలను ప్రభుత్వ రక్షణ సంస్థలు నిరంతరం పర్యవేక్షిస్తున్నాయా లేదా? అనే ప్రశ్నలు తలెత్తుతున్నాయి.

ఇకపై ఇటువంటి ఘోరమైన సంఘటనలు పునరావృతం కాకుండా ఉండాలంటే.. దత్తతకు సంబంధించిన నిబంధనలను మరింత కఠినతరం చేయాలని, పర్యవేక్షణ వ్యవస్థలను ఆధునీకరించాలని సామాజిక శ్రేయోభిలాషులు మరియు పలు స్వచ్ఛంద సంస్థలు ప్రభుత్వాన్ని డిమాండ్ చేస్తున్నాయి.