చైనాలోని గ్వాంగ్‌జౌ ప్రాంతంలో ఉన్న లింగ్జియాన్ పార్కులో సెప్టెంబర్ 26 రాత్రి జరిగిన ఏరియల్ స్టంట్ (గాలిలో విన్యాసాల) ప్రదర్శనలో ఓ మహిళా నటి 10 మీటర్ల కంటే ఎక్కువ ఎత్తు నుండి ఒక్కసారిగా కిందపడిపోయిన ఘటన తీవ్ర కలకలం రేపింది.
అక్కడ ఏర్పాటు చేసిన ప్రత్యేక వేదికపై, చంద్రుడి ఇతివృత్తంతో కూడిన ‘చాంగే’ (Chang’e) అనే సాంప్రదాయ ఏరియల్ డ్యాన్స్ షో జరుగుతోంది. వేలాది మంది ప్రేక్షకులు ఆ విన్యాసాలను ఎంతో ఆసక్తిగా తిలకిస్తున్నారు. ఆ సమయంలో, గాలిలో వేలాడుతూ విన్యాసాలు చేస్తున్న ఆ నటి, ఊహించని విధంగా పట్టు తప్పి 10 మీటర్ల కంటే ఎక్కువ ఎత్తు నుండి కిందపడిపోయారు. ఇది చూసిన ప్రేక్షకులందరూ ఒక్కసారిగా భయంతో కేకలు వేశారు.
ఈ భయానక ఘటనకు సంబంధించిన వీడియోలు, ఫోటోలు ఇంటర్నెట్‌లో బయటకు వచ్చి సోషల్ మీడియాలో వేగంగా వైరల్ అవుతున్నాయి. అంత ఎత్తు నుండి పడిపోయిన ఆ నటి ప్రస్తుత ఆరోగ్య పరిస్థితి ఏమిటి, ఆమె ప్రాణాలతో ఉన్నారా లేదా అనే విషయాలపై ఇంకా ఎలాంటి అధికారిక సమాచారం వెలువడలేదు.
ఈ ఘటనపై సమాచారం అందుకున్న స్థానిక అధికారులు మరియు పోలీసులు.. అక్కడి భద్రతా ఏర్పాట్లు, ప్రమాదానికి గల అసలు కారణాలపై ముమ్మరంగా దర్యాప్తు చేస్తున్నారు.
Leave a Reply