చైనాలో ఇటీవల నిర్వహించిన ఒక పరిశోధనలో, కేవలం శాఖాహారం మాత్రమే తీసుకునే వారు, మాంసాహారం తీసుకునే వారితో పోలిస్తే 100 ఏళ్ల వరకు జీవించే అవకాశం తక్కువగా ఉందని కనుగొన్నారు.
సుమారు 5,000 మంది వృద్ధులపై జరిపిన ఈ అధ్యయనంలో.. కండరాలు, ఎముకల బలం, శారీరక శక్తి మరియు దీర్ఘాయువులో మాంసం, చేపలు, గుడ్లు వంటి జంతు సంబంధిత ప్రోటీన్లు కీలక పాత్ర పోషిస్తాయని తేలింది. శాఖాహారులు 100 ఏళ్ల వయస్సును చేరుకునే అవకాశం సుమారు 19% తక్కువగా ఉందని ఈ అధ్యయనం పేర్కొంది.
ప్రోటీన్ల ప్రాముఖ్యత: శరీర ఎదుగుదల, ఎముకలు మరియు కండరాల ఆరోగ్యానికి ప్రోటీన్ చాలా అవసరమని పరిశోధకులు వివరించారు. ముఖ్యంగా జంతు సంబంధిత ఆహారం శరీరానికి అవసరమైన అమైనో యాసిడ్లు, కాల్షియం మరియు ఇతర పోషకాలను సమృద్ధిగా అందిస్తుందని, ఇది వృద్ధాప్యంలో ఆరోగ్యాన్ని కాపాడుతుందని అధ్యయనంలో వెల్లడైంది. కండరాల దృఢత్వం మరియు ఎముకల బలాన్ని మెరుగుపరచడం ద్వారా ఆయుష్షు పెరుగుతుందని ఈ పరిశోధన ధృవీకరించింది. ఆరోగ్యకరమైన వృద్ధాప్యం కోసం సరైన ప్రోటీన్ కలిగిన ఆహార అలవాట్లు అవసరమని, కేవలం శాఖాహారంపైనే ఆధారపడటం వల్ల కలిగే శారీరక బలహీనతలను నివారించలేమని ఈ అధ్యయనం సూచిస్తోంది.