“107 పతకాల నుంచి 85కా.? ఏమైంది భారత్‌కు.?” 22 పతకాలు తగ్గినా 4వ స్థానం పదిలం.! ఆసియా క్రీడల్లో భారత పతకాల ఖాతాలో షాకింగ్ మార్పు.!!!

జపాన్‌లోని ఐచి-నగోయాలో జరిగిన 20వ ఆసియా క్రీడల్లో భారత్ మొత్తం 85 పతకాలను గెలుచుకుంది.

ఇందులో 21 స్వర్ణాలు, 27 రజతాలు, 37 కాంస్య పతకాలు ఉన్నాయి. గత 2023లో చైనాలోని హాంగ్‌జౌలో జరిగిన 19వ ఆసియా క్రీడలతో పోలిస్తే, ఈసారి భారత్ సాధించిన మొత్తం పతకాల సంఖ్య తగ్గింది.

హాంగ్‌‌జౌ ఆసియా క్రీడల్లో భారత్ 28 స్వర్ణాలు, 38 రజతాలు, 41 కాంస్యాలతో కలిపి మొత్తం 107 పతకాలను గెలుచుకుంది. దానితో పోలిస్తే, నగోయా క్రీడల్లో భారత్ 22 పతకాలు తక్కువగా సాధించింది. ముఖ్యంగా బంగారు పతకాల్లో 7, రజత పతకాల్లో 11, కాంస్య పతకాల్లో 4 తగ్గాయి.

అయితే, పతకాల సంఖ్య తగ్గినప్పటికీ పతకాల పట్టికలో భారత్ స్థానం మాత్రం మారలేదు. గత క్రీడల తరహాలోనే ఈసారి కూడా భారత్ నాలుగో స్థానాన్ని దక్కించుకుంది. అంతేకాకుండా, గత ఐదు ఆసియా క్రీడలతో పోలిస్తే, నగోయాలో భారత్ కనబరిచిన ప్రదర్శన రెండవ అత్యుత్తమమైనదిగా నిలిచిందని చెబుతున్నారు.

ఈసారి భారత జట్టులో కొత్తగా బరిలోకి దిగిన క్రీడాకారులు కూడా అద్భుతంగా రాణించారు. నగోయా క్రీడల్లో భారత్ గెలుచుకున్న 85 పతకాల్లో 41 పతకాలను అరంగేట్రం చేసిన ఆటగాళ్లే సాధించారు. దీంతో మొత్తం పతకాల సంఖ్య గత క్రీడల కంటే తగ్గినప్పటికీ, పలు కొత్త క్రీడల్లో భారత ఆటగాళ్లు పతకాలు సాధించి కొత్త రికార్డులను సృష్టించారు.