ప్రముఖ టీవీ మరియు బాలీవుడ్ నటి, రామ్ కపూర్ భార్య గౌతమీ కపూర్ ఇటీవల ఒక వివాదంలో చిక్కుకున్నారు. తన 16 ఏళ్ల కుమార్తె సియాకు సెక్స్ టాయ్ గిఫ్ట్ ఇవ్వడం గురించి ఆమె చేసిన వ్యాఖ్యలపై నెటిజన్లు తీవ్రంగా మండిపడ్డారు. దీనివల్ల ఆమె తీవ్రమైన ఒత్తిడికి (Depression) లోనయ్యారు.
గౌతమీ కపూర్ ఏమన్నారు? ఒక ఇంటర్వ్యూలో గౌతమీ మాట్లాడుతూ.. “ఈ వివాదం అకస్మాత్తుగా మొదలైంది. నేను ఏ తల్లీ ఇలా చేయాలని చెప్పలేదు. అది కేవలం నా వ్యక్తిగత విషయం, నా కుమార్తెతో నాకున్న అనుబంధం. మా పిల్లలతో మాకు చాలా బాగుంటుంది, ప్రతి విషయాన్ని స్వేచ్ఛగా చర్చిస్తాం. కొందరికి ఇది నచ్చకపోవచ్చు, అది వారి అభిప్రాయం. కానీ ఈ వివాదంలోకి నా పిల్లలను ఎందుకు లాగుతున్నారు?” అని ప్రశ్నించారు.
ట్రోలింగ్ ప్రభావం: నెగటివ్ కామెంట్స్ వల్ల తన మానసిక ఆరోగ్యం దెబ్బతిన్నట్లు ఆమె తెలిపారు. “సోషల్ మీడియాలో వచ్చిన కామెంట్స్ చూసి నాకు రాత్రుళ్లు నిద్ర పట్టేది కాదు. ఒక మనిషి గురించి ఇంత దారుణంగా ఎలా రాస్తారో నాకు అర్థం కాలేదు. అందుకే దాదాపు నెల రోజుల పాటు ఇన్‌స్టాగ్రామ్‌కు దూరంగా ఉన్నాను” అని ఆమె ఆవేదన వ్యక్తం చేశారు.