17 ఏళ్లకే ఆ కోరిక! ‘ఒక్కగానొక్క కొడుకుకి ఇలాంటి విపరీతమైన ఆలోచనా..?’ వేరుగా గది అద్దెకు తీసుకుని ఉంచిన తల్లిదండ్రులు. స్వలింగ సంపర్కుడిగా మారి కన్నతల్లినే విలవిలలాడేలా చంపిన వైనం.. దారుణం!

ఉత్తరప్రదేశ్ రాష్ట్రం లక్నోలో 42 ఏళ్ల తల్లిని, ఆమె 17 ఏళ్ల కుమారుడు సుత్తితో పలుమార్లు దాడి చేసి దారుణంగా హత్య చేసిన ఘటన తీవ్ర దిగ్భ్రాంతికి గురిచేసింది.

గురువారం రాత్రి సుమారు 9 గంటల ప్రాంతంలో వీరి ఇంట్లో ఈ ఘటన జరిగింది.

బట్టల వ్యాపారం చేస్తున్న దంపతుల ఏకైక కుమారుడైన ఆ బాలుడు స్వలింగ సంపర్కుడిగా (గే) ఉన్నాడు. దీనివల్ల కుటుంబంలో చాలా కాలంగా తీవ్రమైన అభిప్రాయభేదాలు, గొడవలు జరుగుతున్నాయి. సమాజంలో పరువు పోతుందనే భయంతో, ఆ కుటుంబం గత నాలుగు నెలల క్రితం ఇంటికి సుమారు 1.5 కి.మీ దూరంలో ఆ బాలుడికి వేరుగా ఒక గదిని అద్దెకు తీసుకుని ఉంచారు. అతడి నెలవారీ నిర్వహణ ఖర్చులను కూడా కుటుంబ సభ్యులే భరిస్తూ వచ్చారు.

ఈ క్రమంలో, గురువారం రాత్రి తన తల్లిని కలవాలని బాలుడు కోరడంతో, అతని తండ్రి అతడిని ఇంటికి పిలిపించాడు. ఇంటికి వచ్చిన తర్వాత తల్లీకొడుకుల మధ్య మళ్లీ తీవ్ర వాగ్వాదం జరిగింది. దీంతో తీవ్ర ఆగ్రహానికి గురైన బాలుడు, ఇంట్లో ఉన్న సుత్తిని తీసుకుని తల్లిపై విచక్షణారహితంగా దాడి చేయడంతో ఆమె ఘటనా స్థలంలోనే మృతి చెందింది.

హత్య జరిగిన వెంటనే, ఆ బాలుడే స్వయంగా తన తండ్రికి, పోలీసులకు ఫోన్ చేసి విషయం చెప్పాడు. హుటాహుటిన అక్కడికి చేరుకున్న డీసీపీ నేతృత్వంలోని పోలీసులు, ఫోరెన్సిక్ నిపుణులు మృతదేహాన్ని స్వాధీనం చేసుకుని ఆధారాలు సేకరించారు.

బాలుడి తండ్రి మాట్లాడుతూ, తన కుమారుడు గత కొంతకాలంగా మానసిక సమస్యలతో బాధపడుతున్నాడని, వివిధ ఆసుపత్రుల్లో చికిత్స పొందుతున్నాడని తెలిపాడు. ప్రస్తుతం ఆ బాలుడిని అదుపులోకి తీసుకున్న పోలీసులు, హత్య నేపథ్యం, కుటుంబ కలహాలు మరియు బాలుడి మానసిక పరిస్థితి తదితర కోణాల్లో తీవ్రంగా దర్యాప్తు చేస్తున్నారు.