17, 18 ఏళ్ల వయసులోనే నడిరోడ్డుపై ఫుల్‌గా మద్యం మత్తులో యువతుల రచ్చ.. వినలేని విధంగా అసభ్య పదజాలం!నడిరోడ్డుపై యువతుల వీరంగం.. షాకింగ్ వీడియో వైరల్!

చెన్నై పుజల్ జంక్షన్‌లో వాహనాలు వరుసగా కదులుతున్న సమయంలో ఇద్దరు యువతులు మద్యం మత్తులో నడిరోడ్డుపై హంగామా చేయడం కలకలం రేపింది.

వాహనం నుంచి ఆవేశంగా కిందకు దిగిన ఓ యువతి తన జుట్టును సరిచేసుకుని, నేరుగా గొడవకు దిగింది. “ఏయ్.. నా వాహనాన్నే ఢీకొట్టావా? నువ్వెవడివి?” అంటూ నడిరోడ్డుపై కేకలు వేసింది.

దీంతో ఇబ్బందికి గురైన వాహనదారుడు, “అమ్మా.. ఢీకొట్టింది మీరే. నాపై ఎందుకు నింద వేస్తున్నారు?” అంటూ తన వాహనాన్ని పక్కకు తీసుకెళ్లేందుకు ప్రయత్నించాడు.

అయితే ఆ యువతుల ఆవేశం తగ్గలేదు. నడిరోడ్డుపై నిలబడి రెండు చేతులను పైకెత్తి వాహనాలను అడ్డుకున్నారు. అంతేకాకుండా తీవ్ర అభ్యంతరకరమైన పదజాలంతో దూషిస్తూ నానా హంగామా చేశారు.

అదే సమయంలో అటుగా ఓ లారీ రావడంతో, “ఏయ్.. ఢీకొడతావా? ఢీకొట్టి వెళ్లి చూద్దాం!” అంటూ లారీ డ్రైవర్‌ను సైతం సవాలు చేశారు. దీంతో రోడ్డుపై భారీగా వాహనాలు నిలిచిపోయాయి.

ఈ ఘటనను చూసిన కొందరు స్థానికులు యువతులను సముదాయించేందుకు ప్రయత్నించారు. అప్పుడే వారు తీవ్ర మద్యం మత్తులో ఉన్న విషయం బయటపడింది.

ఓ వ్యక్తి వారిని ఉద్దేశించి “వాహనాన్ని పక్కకు తీసుకెళ్లండి” అని చెప్పగా, అందుకు వారు మరింత ఆగ్రహంతో స్పందించారు.

“ఏం మాట్లాడుతున్నావ్? నేను మా ఊర్లో ఉంటే సీన్ వేరుగా ఉండేది!” అంటూ ఓ యువతి దురుసుగా మాట్లాడింది.

దీంతో అక్కడున్న వారు “మీ ఊరు ఏది?” అని ప్రశ్నించగా, ఆమె “నా ఊరు దుబాయ్.. తెలుసా?” అంటూ సమాధానం ఇచ్చింది.

ఆమె ప్రవర్తనతో ఆగ్రహానికి గురైన అక్కడున్న ఓ వ్యక్తి ఆమె చెంపపై ఒక్కసారి కొట్టాడు.

అదే సమయంలో సమీపంలో ఉన్న ట్రాఫిక్ పోలీసు పరిస్థితిని అదుపులోకి తీసుకురావడానికి ప్రయత్నించారు. అయితే యువతులు పోలీసులను సైతం లెక్కచేయకుండా అభ్యంతరకరమైన పదజాలంతో దూషించారు.

పరిస్థితి అదుపు తప్పడంతో ట్రాఫిక్ పోలీసు వెంటనే అదనపు సిబ్బందిని పిలిచారు.

పోలీసులు అక్కడికి చేరుకుని ఇద్దరు యువతులతో పాటు వారితో ఉన్న ఓ యువకుడిని కూడా అదుపులోకి తీసుకుని పోలీస్ స్టేషన్‌కు తరలించారు.

“எந்த ஊரா? Foreign பக்கத்துல Dubai!” சென்னை புழல் அருகே போதையில் நடுரோட்டில் இளம்பெண்கள் அட்டகாசம்.. போலீசார், பொதுமக்களிடம் ஆபாச பேச்சு!

Chennai | Puzhal | Viral Video | Police #NewsTamil24x7 #GirlsAtrocity #NewsReport pic.twitter.com/mXLEXYYeg3

— News Tamil 24×7 (@NewsTamilTV24x7) August 24, 2026

ప్రాథమిక విచారణలో వారు ఎవరూ పూర్తి స్పృహలో లేరని పోలీసులు గుర్తించారు. అదుపులోకి తీసుకున్న వారిలో ఒక యువతికి 17 సంవత్సరాలు, మరో యువతికి 18 సంవత్సరాలు ఉన్నట్లు గుర్తించారు.

మద్యం మత్తు పూర్తిగా తగ్గిన తర్వాత పూర్తి స్థాయిలో విచారణ చేపట్టాలని పోలీసులు నిర్ణయించారు. ప్రస్తుతం వారిని మహిళా పోలీసుల పర్యవేక్షణలో ఉంచినట్లు సమాచారం.

నడిరోడ్డుపై యువతుల మద్యం మత్తు రచ్చకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.