ఎండకాలంలో రోడ్డు పక్కన బండి నెట్టుకుంటూ కుల్ఫీ విక్రయించే ఒక వృద్ధుడు తయారుచేసిన కుల్ఫీ రుచి నచ్చి, అతనికి పవన్ సాహు అనే వ్యక్తి 20,000 రూపాయలను బహుమతిగా అందించి అందరి హృదయాలను హత్తుకున్న సంఘటన సోషల్ మీడియాలో పలువురి ప్రశంసలు అందుకుంటోంది.
సాధారణంగా కుల్ఫీ విక్రయించే ఆ వృద్ధుడిని ధర ఎంత అని అడగగా, కేవలం 20 రూపాయలు మాత్రమే అని చెప్పాడు. అంత తక్కువ ధరకు, దాని అద్భుతమైన రుచికి ఫిదా అయిపోయిన పవన్ సాహు, ఆ వృద్ధుడి కష్టపడే తత్వాన్ని, అతని అమాయకత్వాన్ని అభినందిస్తూ సర్ప్రైజ్ ఇచ్చాడు.
ఆ వృద్ధుడు డబ్బులు తీసుకోవడానికి నిరాకరించినప్పటికీ, అతని కష్టాన్ని గౌరవించే విధంగా తన సొంత ఇష్టంతో వెంటనే 20,000 రూపాయలను అతని చేతిలో పెట్టాడు. కష్టపడే తత్వాన్ని గౌరవించిన ఈ మానవత్వపు ఉదంతం ప్రస్తుతం నెటిజన్ల మధ్య వైరల్‌గా మారింది.
Leave a Reply